Romelu Lukaku

Romelu Lukaku
Statsborgarskap	Belgia
Fødd	13. mai 1993 (30 år) Antwerpen
Idrett	fotball
Tok del i	VM i fotball 2014, EM i fotball 2016, VM i fotball 2018, EM i fotball 2021

Romelu Menama Lukaku Bolingoli (fødd 13. mai 1993) er ein belgisk fotballspelar, fødd i Antwerpen, som spelar for Inter Milan (2020).

Lukaku under VM 2018

I 2017 spelte han for den engelske fotballklubben Manchester United FC. Han hadde per 31. juli 2018 delteke i 75 kampar på det belgiske landslaget og vann bronsemedalje med landslaget under Fotball-VM 2018.

Lukaku spelte 2009-11 på RSC Anderlecht der han i 2010 var med å vinne den nasjonale serien. Sommaren 2011 vart han overført til engelske Chelsea FC, men fekk lite speletid i London-klubben og spelte i 2012/13-sesongen for West Bromwich. I september 2013 gjekk turen til Everton FC, ein klubb der han viste seg som ein sterk, flittig målskårar. Sommaren 2017 vart så Lukaku overført til Manchester United mot 90 millionar engelske pund.

Lukaku fekk sin landslagsdebut for Belgia knapt 17 år gammal i mars 2010. Han deltok både i Fotball-VM 2014, EM i fotball 2016 og i Fotball-VM 2018 i Russland. Under verdsmeisterskapen i Russland skåra han fire mål og gjorde sitt til at Belgia sikra seg bronsen med siger 2-0 over England. Lukaku har spelt 75 landskampar og skåra 40 mål for Belgia pr juli 2018.

Merittar

• VM-bronse: 2018 for Belgia
• Belgisk seriemeister: 2010 med RSC Anderlcht

Kjelder

• Denne artikkelen bygger på «Romelu Lukaku» frå Wikipedia på engelsk, den 15. juli 2018.
• eu-football