Rullestol
Rullestol er fargreier forma som stolar med hjul som blir brukte av dei som har vanskar med å gå for å flytta seg. Det finst manuelle rullestolar, som brukaren sjølv eller ein hjelpar kan driva fram med hendene, og elektriske rullestolar, som har ein motor driven av eit oppladbart batteri.
Liggetralle[endre | endre wikiteksten]
Personar som har problem både med å sitja og å gå, brukar som regel ei liggetralle. Understellet er som på ein rullestol, men over hjula er det ein benk i staden for eit sete.
Tilrettelegging for rullestolbrukarar[endre | endre wikiteksten]
Det er gjort mykje mange stader, men ikkje nok, for at rullestolbrukarar skal kunne kome seg fram uhindra. Fortauskantar er senka og jamna ut, så det skal vere lettare å kome seg ned og opp på fortaua etter å ha kryssa gater. Det er laga skråplan og ramper, sett opp trappeheisar opp til inngangsdørar, og innandørs, der det elles ikkje ville ha vore til å kome seg fram. På bussar og trikkar er det låge golv og/eller mobile ramper som gjer det mogleg å køyre inn med tunge, elektriske rullestolar. Toalett på offentlege stader, i restaurantar og liknande, er utforma for bruk av rullestol.
Rullestolrampe framfor eit rådhus i ein småby i Frankrike
Trappeheis for rullestol
Rullestol for fotballspelarar. Fotballkamp mellom Frankrike og USA i 2007
Rullestol for basketballspelarar. Cupfinalekampen mellom dei franske laga CS Meaux og Le Cannet våren 2015
Rullestol for tennisspelarar
Bakgrunnsstoff[endre | endre wikiteksten]
- Om å kome seg fram med rullestol på T-bane, trikk etc. i Oslo
- Om å kome seg fram med rullestol på toga til NSB
Denne transportartikkelen som har med medisin å gjere, er ei spire. Du kan hjelpe Nynorsk Wikipedia gjennom å utvide han.