Ryen

Frå Wikipedia – det frie oppslagsverket
Hopp til navigering Hopp til søk

Ryen er eit strøk i Oslo. Strøket ligg til dels i bydel Østensjø og til dels i bydel Nordstrand.

Namnet[endre | endre wikiteksten]

Utsikta frå Ryen varde mot aust over Manglerud, 1961. I bakgrunnen Oppsal og Østmarka
Foto: Truls Teigen / Oslo Museum

Strøket er oppkalla etter gamle Ryen gard, som vart riven i 1983, og låg omtrent der Ryenhjemmet ligg i dag. Namnet Ryen er truleg avleitt av Rugvin (enga der ein dyrka rug).

Historie[endre | endre wikiteksten]

Tidlegare var Ryen ein del av Oslohverfi (= Oslogrenda, mellomaldernamnet på distriktet ved Østensjøvannet), og Ryen gard kan vere så tidlig bygd som omkring år 500.[1]

Ein oldtidsveg gjekk opp dei bratte bakkane til Ryen gard. Vegen vart framkjøm for sledar etter at det på 1700-talet vart sprengt bort noko fjell i dalsøkket ved Ryenberget. Speidarar vart sende opp i Ryenberget i 1200, då bøndene på Austlandet reiste seg mot kong Sverre. Det høgaste punktet kalla løytnant Vibe "Ryen Borg" på kartet sitt i 1838, og tidlegare stod det ein varde i nærleiken. Det vert difor gått ut i frå at fjellet var eit viktig militært punkt for Oslo.[2] Toppen heiter framleis Ryen varde i dag.[3]

Eit av Oslos vegknutepunkt er Ryenkrysset. Like i nærleiken ligg t-banestasjonen Ryen stasjon. T-banen har dei austlege vognhallane sine på Ryen.

Sjå òg[endre | endre wikiteksten]

  • Ryenlokket
  • Ryenberget skule

Referansar[endre | endre wikiteksten]

  1. Sitert fra: http://www.ostensjovannet.no/historie/kulturlandskap/
  2. Reidar Fønnebø: Oldtidsveger (s. 81 og 86), forlaget Orion, ISBN 82-458-0645-5
  3. «Ryen varde». Faktaark. Kartverket. Henta 4. november 2016.