Saif Saaeed Shaheen

Saif Saaeed Shaheen
Statsborgarskap	Qatar, Kenya
Fødd	15. oktober 1982 (41 år) Keiyo District
Idrett	friidrett

Saif Saaeed Shaheen, opphavleg Stephen Cherono, (fødd 15. oktober 1982) er ein kenyansk tidlegare friidrett]sutøvar som representerte Qatar frå 2003. Han vart verdsmeister på 3 000 meter hinder i 2003 og 2005. Frå 2004 er han, med tida 7.53,63, verdsrekordhaldar i 3 000 meter hinder.

Aktiv

Cherono/Shaheen er ein av fleire, opphavleg afrikanske, løparar som sidan 2002 har hatt suksess under framandt flagg. Enno kenyanar sette han i 2001 junior-verdsrekord på 3 000 meter hinder med fabelaktige 7.58,6. I juli 2002 vann han øvinga då samveldeleikane vart avvikla i Manchester i England, framom den kenyanske landsmannen Ezekiel Kemboi.

12. juni 2003 sette Shaheen livsbeste på 5 000 meter i Ostrava med tida 12.48,8 ei topptid på distansen. Under verdsmeisterskapen 2003 slo han sin tidlegare landsmann Kemboi i spurten på 3 000 m hinder og sikra Qatar gull. Shaheen fekk ikkje delta i Sommar-OL 2004. Berre vel ei veke etter sommarleikane, den 3. september i Brussel, sette han ny verdsrekord på 3 000 meter hinder då han sprang i mål i einsam majestet på 7.53,63, ei tid som i 2022 framleis er gjeldande verdsrekord. I Friidretts-VM 2005 forsvarte han VM-tittelen i øvinga og viste atter Kemboi til sølvplass. Frå 2006 var Shaheen plaga med skadar og slutta med hinderløping.

Medaljar og plasseringar i internasjonale meisterskap

• VM 2003 i Paris: Gullmedalje i 3 000 m hinder – 8.04,3, framom Ezekiel Kemboi (8.05,1)
• VM 2005 i Helsinki: Gullmedalje i 3 000 m hinder – 8.13,3, framom Ezekiel Kemboi (8.14,9)
• VM 2009 i Berlin: Utslått i kvalifiseringa på 5 000 m (13.26,3=nr 17)

Kjelder

• Denne artikkelen bygger på «Saif Saaeed Shaheen» frå Wikipedia på engelsk, den 8. juli 2022.