Saurås

Saurås
stad
Land	Noreg
Fylke	Hordaland
Kommune	Bergen
Folketal	504  (2023)
Postnummer	5131 NYBORG
Preposisjon	på Saurås
Gardnummer	190

Saurås er ein matrikkelgard i Åsane bydel i Bergen. Folketalet innanfor den gamle matrikkelgarden var 504 i 2001. Det tettbygde området vert rekna som del av den samanhengjande tettstaden Bergen. Saurås ligg sentralt i Åsane, i området som også vert kalla Midtbygda i Åsane.

Folketalet på området til garden Saurås har vore aukande sidan 1920-talet, med kraftig auke etter Den andre verdskrigen. Den nye busetjinga kom stort sett i den austlege enden av området, der hovudvegen gjennom Åsane går. Då motorvegen kom her i siste del av 1980-åra, måtte det rivast ein del hus i motorvegtraseen. Busetjinga er stort sett einebustader, med nokon rekkjehus.

Tekst på steinen: Kyrkjelydane i Åsane reiste denne steinen til minne om dei russiske soldatar som miste livet i krigsfangeskap på norsk jord 1941-1945 i striden for sams fridom

Foto: Tor-Egil Farestveit

På området til Saurås ligg Åsane gamle kyrkje. Under andre verdskrigen bygdee tyskarane ein leir for sovjetiske krigsfangar her. Ved kyrkja står ein minnestein etter 27 sovjetiske krigsfangar som er gravlagde her.

På eitt av bruka på garden var det framleis sauedrift i 2007.

Kjelder

Frode Fyllingsnes, Åsane - i fortid og nåtid (Bodoni forlag, 2007), s. 201-209

Fotnotar