Sergej Tsjepikov

Sergej Tsjepikov
Statsborgarskap	Sovjetunionen, Russland
Fødd	30. januar 1967 Khor
Død	17. september 2026 (59 år) Moskva
Idrett	skiskyting, langrenn
Tok del i	Vinter-OL 1998, Vinter-OL 2002, biathlon at the 1988 Winter Olympics – sprint, Skiskyting under Vinter-OL 1994 – Sprint menn, biathlon at the 1988 Winter Olympics – relay, biathlon at the 1992 Winter Olympics – men's relay, Skiskyting under Vinter-OL 1994 – Stafett menn, biathlon at the 2006 Winter Olympics – men's relay, Ski-VM 1995, Ski-VM 1997
Utmerkingar	4. klasse av Fedrelandets fortjenstorden, Ærestegnets orden, Ordenen for personlig tapperhet, Hedret mester i idrett av Sovjetunionen, æra meister av idrett i Russland, Æresmerke «For fortjenester for byen Jekaterinburg»

Sergej Vladimirovitsj Tsjepikov (30. januar 1967–17. september 2026) var ein russisk skiskyttar frå Khor i Khabarovsk kraj med ein uvanleg langvarig og innhaldsrik karriere. Han var dobbelt olympisk meister i skiskyting.

Sergej Tsjepikov høyrde til den absolutte verdseliten i skiskyting heilt frå 1988, då han 21 år gamal tok gull på stafetten og bronsemedalje på 10 km under OL i Calgary. Han vann verdscupen i skiskyting samanlagt sesongane 1989/90 og 1990/91. I 1994 vart han olympisk meister på sprinten i Lillehammer-OL. Deretter prøvde han seg ei stund som langrennsløpar, og deltok i OL i Nagano i 1998 på det russiske langrennslaget. Etter dette OL gav han seg som toppidrettsutøvar.

Etter tre år ute av rampelyset gjorde Tsjepikov comeback og deltok igjen i verdscupen i skiskyting i 2001/02-sesongen, då han kom på 23. plass samanlagt. Under VM 2005 i Hochfilzen, tok han sølvmedalje på jaktstarten og på stafetten, i ein alder av 38 år. 2004/05-sesongen vart den beste sesongen hans etter comebacket, med ein fjerdeplass samanlagt i verdscupen.

Tsjepikov var med i den russisk troppen til OL i Torino i 2006, som vart hans sjette OL, det femte som skiskyttar. Han var der med å ta sølv på stafetten. Han budde i Jekaterinburg.

Kortfatta merittliste

(pr. 28. februar 2006)

• Verdscupen samanlagt:
  • To førsteplasser (1989/90 og 1990/91)
• Olympiske leikar:
  • 2 gull (1 individuelt, sprinten i 1994), 3 sølv
• Verdscuprenn:
  • 5 gull, 8 sølv, 5 bronse

Bakgrunnsstoff

• Fanside for Sergej Tsjepikov Arkivert 2006-02-23 ved Wayback Machine. på russisk
• «Sergey Chepikov». olympedia.org.