Sonorant
Sonorant er ei samnemning for desse typane av språklydar:
- Nasalar – til dømes [m n ɳ ɲ ŋ]
- Vibrantar – til dømes [ʙ r]
- Flikkar – til dømes [ɾ]
- Flappar – til dømes [ѵ ɽ]
- Approksimantar – til dømes [ʋ l ɭ ʎ ɹ w j]
- Vokalar – til dømes [i e y ø u o a]
Det finst språk der stemde implosivar – til dømes [ɓ ɗ ɠ] – truleg må reknast som sonorantar. Konsonantar som ikkje er sonorantar blir kalla obstruentar. Det finst dei som ikkje reknar vokalane som sonorantar, men det er mindre vanleg i moderne lingvistikk.
Definisjon
[endre | endre wikiteksten]Ein sonorant er ein språklyd som er kjenneteikna ved at lufta ikkje blir vesentleg hindra når ho kjem ut via taleorgana.
Etymologi
[endre | endre wikiteksten]Ordet sonorant er danna av det latinske adjektivet sonōrus 'tonande, klingande, brusande, susande, klangfull'.