Straumøya på Fitjar

Straumøya
stad
Land	Noreg
Fylke	Vestland
Kommune	Fitjar
Gardnummer	47
Ferdselsårer	Ingen
Straumøya på Fitjar 59.894166666667°N 5.2427777777778°E / 59.894166666667; 5.2427777777778

Straumøya er ei øy i Fitjarøyane i Fitjar kommune. Øya ligg mellom Ålforo i vest og Ivarsøy i vest med Avløypet i nord og Hjelmen i aust-søraust.

Garden Straumøyo ligg nordaust på øya. Det er ingen vegar på øya.

Garden

Garden på Straumøya var opphavleg husmannsplass under Fitjargarden. I 1723 vart plassen skyldsett og vert då rekna som ein sjølvstendig gard, men låg under Fitjargarden til 1755, då eigaren av Fitjar selde til brukaren Tørres Olson. Seinare har brukarane vore sjølveigarar.

Namn

På begge sider av Straumøya ligg lange, smale sund, som det er mykje straum i ved flo og fjøre. Dette har gjeve namn til øya. Namnet vart skrive Strømøen, Strømmen og Strømen oppgjennom tidene. Daglegnamnet er Straumøyo.

Geografi

Øya er kring 1,6 km lang og kring 450 meter på det breiaste. Det høgaste punktet på øya er 53,5 meter over havet, like vest om garden.

Mellom Ivarsøy og Straumøya i aust ligg Straumøysundet, og mellom Ålforo og Straumøya i vest ligg Vestra Straumøysundet. Sistnemnde er kring 35-40 meter på det smalaste. Nord for Straumøya ligg Eriksholmen og Ivarøyneset. I sør ligg holmane Straumøybleikjene.

Kjelder

• Simon Steinsbo (1986). Fitjar bygdebok - Gards- og ættesoge 1. Fitjar. 
• Straumøya på norgeskart.no