Sunnhordlandsdialekt

Sunnhordlandsdialekten er dialekten som vert tala i Sunnhordland, særleg kommunane Stord, Bømlo, Fitjar, Kvinnherad og Tysnes. Kommunane lenger sør (Sveio, Etne, Ølen) har dei siste tiåra nærma seg haugalandsdialekten, medan ein i Austevoll snakkar ein blanding mellom strilamål og sunnhordlandsdialekt.

Kjenneteikn ved sunnhordlandsdialekten

tidlegare rulle-r /r~ɾ/ er i stor grad erstatta med ein «mjuk» skarre-r /ʁ~ɐ/, mindre markert enn i bergensk og strilamål /ʀ/
artikkelen «det» heiter «da», «da va ein løyen skjeggvekst»
o-endingar i bunden form eintal av hokjønnsord. «Jento va fin(e) på håre»
o-ending i bunden form fleirtal av inkjekjønnsord. «Sekunno gjekk sakte»
kj-lyden /ç/ vert uttald som ein tsj-lyd /tʃ/, men ikkje som ein sj-lyd /ʃ/; Tsjetil /tʃeːtʰɪlː/, ikkje Kjetil /çeːtʰɪlː/ eller Sjetil /ʃeːtʰɪlː/
kort y vert ofte uttalt som ü eller u, tuggja, sukkel
òg vert på Stord, Fitjar og Bømlo ofte uttalt med lang o, ikkje med lang å som i resten av Sunnhordland.
a-infinitiv
a-ending på hokjønnsord i ubunden form: ei jenta, ei stjerna
æ-ar i skriftspråket vert som oftast uttalte som e-ar, til dømes militere, lerar, eren(d) i staden for militæret, lærar og ærend

Talord
Sunnhordlandsk	ein	to	tre	fira	fem	seks	sju	åtta	ni	ti	edleve	toll	trettn	tjue	tretti	førti	femti	seksti	søtti	åtti	nitti	hondra	tusn
Nynorsk	ein	to	tre	fire	fem	seks	sju	åtte	ni	ti	elleve	tolv	tretten	tjue	tretti	førti	femti	seksti	sytti	åtti	nitti	hundre	tusen