Sverre Haugli
| Sverre Haugli | |
 | |
| Statsborgarskap | Noreg |
| Fødd | 23. april 1925 Jevnaker |
| Død |
18. oktober 1986 (61 år) |
| Yrke | skøyteløpar |
| Sverre Haugli på Commons | |
Sverre Ingolf Haugli (23. april 1925–18. oktober 1986) var ein norsk skeiseløpar frå Jevnaker. Han vart norsk meister i 1953 og fekk OL-bronse på 5 000 meter i 1952. Haugli representerte Jevnaker Idrettsforening, deretter Gjøvik Skøiteklub og seinare Oslo Skøiteklub.
Aktiv
[endre | endre wikiteksten]Haugli vart i 1949 nummer seks i NM i Tønsberg. Året etter vart han fjerdemann i noregsmeisterskapen, før han overraska stort med tredjeplass under EM 1950 i Helsinki. I 1951 vart han nummer to etter Hjalmar Andersen då NM vart avvikla på Lillehammer og han kom på fjerdeplassen i VM 1951.
Under Vinter-OL 1952 i Oslo vann Haugli bronsemedaljem på 5 000 meter, og enda på sjetteplass på 10 000 meter. Ved noregsmeisterskapen 1953 i Skien vann han dei tre lengste distanseløpa og vart norsk meister framfor Roald Aas. Sesongen etter vart Haugli andremann i NM, slått av Hjalmar Andersen, og han vart nummer sju i EM. Ved Vinter-OL 1956 i Cortina d'Ampezzo tok Haugli fjerdeplassen på 10 000 m. Han heldt høgt nasjonalt nivå til 1959.
Haugli var farfar til skeiseløparane Sverre og Maren Haugli.
Kjelder
[endre | endre wikiteksten]- Denne artikkelen bygger på «Sverre Haugli» frå Wikipedia på bokmål, den 15. november 2016.