Jevnaker

Frå Wikipedia – det frie oppslagsverket
Gå til: navigering, søk
Jevnaker
tettstad
Land Flag of Norway.svg Noreg
Fylke Oppland
Kommune Jevnaker
Areal 3,72 km²
Folketal 4 599 (2015)
Folketettleik 1 236 / km²
Postnummer 3520 JEVNAKER
Innbyggjarnamn jevnakersokning
Preposisjon Jevnaker

Jevnaker er ein tettstad og administrasjonssenter i Jevnaker kommune i Oppland fylke med 4 599 innbyggjarar per 1. januar 2015. Tettstaden ligg aust for utløpet av Randselva, sør i Randsfjorden om lag 12 kilometer nordaust for Hønefoss. Jevnaker har jarnbanestasjon langs Roa–Hønefosslinja.

Staden[endre | endre wikiteksten]

Jevnaker stasjon på Toso

Tettstaden Jevnaker er delt i to. Den vestre delen heiter Nesbakken og blir rekna som sentrum. Denne delen ligg fysisk i sørenden av Randsfjorden, på austsida av utløpet til Randselva. Den austre delen heiter Toso og her finn ein jarnbanestasjonen på Jevnaker.

Jevnaker er kjent for sine lokale glasverk, Hadeland Glassverk frå 1762 og Randsfjord Glassverk, som no er lagt ned. Hadeland Glassverk, som ligg midt i mellom Nesbakken og Toso, er eit attraktivt turistmål. Glasverket produserer framleis krystallglas, men driv òg med andre aktivitetar, som lysestøyperi, aktivitetar for barn, restaurant, utsal m.m. Randsfjord Glassverk låg nord i Toso, eit lite stykke ovanfor jarnbanestasjonen.

Det er stor satsing på turisme ved sørenden av Randsfjorden med 2 nye campingplassar under opparbeiding i tillegg til ein som allereie er open i Sløvika, ca. 10 km nord for sentrum. På Jevnaker finst 3 hotell: Torbjørnrud, mest kjent for regjeringskonferansane sine, Halvorsbøle og Randsvangen.


Sjå òg[endre | endre wikiteksten]

Kjelder[endre | endre wikiteksten]

Fotnotar[endre | endre wikiteksten]

Bakgrunnsstoff[endre | endre wikiteksten]