Taslima Nasrin

Taslima Nasrin
Fødd	25. august 1962 (60 år) Mymensingh
Yrke	skribent, lege, kvinnesaksforkjemper, secularist
Språk	bengali
Ektefelle	Rudra Mohammad Shahidullah, Nayeemul Islam Khan
Signatur
Taslima Nasrin på Commons

Taslima Nasrin (fødd 25. august 1962) er ein bangladeshisk forfattar som har levt i eksil sidan 1994.

Taslima Nasrin blei fødd i Mymensingh nord i Bangladesh og er utdanna lege. Bøkene hennar tek særleg opp vanskane til kvinner i Bangladesh, men også dei vanskeleg tilhøva til hinduminoriteten i landet, og ho har vore kritisk til islam og særleg muslimsk fundamentalisme.

Strid og eksil

Sidan ho debuterte med romanen Lajja i 1994 har Nasrin vore forfølgd for det ho skriv. I Bangladesh blei ho drapstruga og flykta frå landet. Ho fekk opphald og heldt fleire år til i Sverige, men drog sidan til Kolkata i den indiske delstaten Vest-Bengal, der ein snakkar morsmålet hennar, bengali.

Utgjevinga av sjølvbiografiske Dwikhondito skapte oppstyr på grunn av utsegner om profeten Muhammed og konene hans, og boka blei forboden i Vest-Bengal. Ved lanseringa av romanen Shodh i Hyderabad i 2007 blei ho fysisk angripen av folk som truga med å drepa henne, og store demonstrasjonar i Kolkata førte seinare til at dei indiske styresmaktene flytta henne til andre delstatar, før ho til slutt i praksis blei sett i husarrest i Delhi. Ho kunngjorde i mars 2008 at ho ville forlata India på grunn av dei vanskelege tilhøva ho levde under der.

Prisar

• Sakharov-prisen 1994

Utgjevingar

• Lajja (på norsk: Skam) 1994 ISBN 82-03-20126-1 (Dokumentarisk roman frå Bangladesh)
• Pherā 1994 ISBN 81-7055-370-9
• Nasht larkī : nasht gadya, 1995 ('Ei øydelagd jente sin øydelagde prosa', artiklar om kvinner) ISBN 81-7055-381-4
• Meyebela : my Bengali girlhood 1998 (med undertittelen «A memoir of growing up female in a Muslim world») ISBN 1-58642-051-8
• Dwikhondito 2002
• Shūrayī 2003
• Shodh 2007

Kjelder

• «Må bli i fangenskap eller forlate landet» i ABC Nyheter, 19. februar 2008
• «Muslimsk dødsdom mod forfatter» i Kristeligt Dagblad, 21. august 2007

Bakgrunnsstoff

• Offisiell nettstad
• 'Condemned to life as an outsider', intervju i The Guardian, 30. november 2007