Torjus Værland

Frå Wikipedia – det frie oppslagsverket
Hopp til navigering Hopp til søk
Torjus Værland
Fødd 23. november 1868

Vegårshei

Død 1954
Parti Venstre
1. verv Norsk sosialminister
 - periode 15. februar 1928 –11. mai 1931
 - regjering Mowinckel II
 - føregangar Alfred Madsen
 - etterfylgjar Jakob N. Vik
2. verv Stortingsrepresentant
 - periode 1919–1933
 - valkrins 1. Holt og Aust-Agder
3. verv Ordførar i Vegårshei
 - periode 1907–1919

Torjus Larsson Værland (23. november 18681954) var ein norsk gardbrukar, trelasthandlar og politikar frå Vegårshei. Han representerte partiet VenstreStortinget frå 1919 til 1933 og var sosialminister 1928-31.

Liv og gjerning[endre | endre wikiteksten]

Værland var frå garden Værland i Vegårshei. Han tok i 1887 over farsgarden og dreiv i tillegg sagbruk og trelastforretning i tida 1904-22. Frå 1900 til 1925 var han medlem av heradsstyret i Vegårshei, ordførar i perioden 1907 til 1919.

Ved stortingsvalet hausten 1918 vart Værland vald til å representere einmannskrinsen Holt på Stortinget. Han vart attvald i 1921 og ved fleire seinare val, men då frå valkrinsen Aust-Agder, ettersom ordninga med einmannskrinsar var avvikla. I perioden 1919-28 var han med i lønningskomitéen, nestformann 1919-24 og formann 1925-28.

Johan Ludwig Mowinckel danna si andre regjering 15. februar 1928 fekk Værland posten som sosialminister, ein posisjon han hadde til regjeringa gjekk av 11. mai 1931. Han var sidan, 1931-33, i si siste periode som stortingsrepresentant medlem i fullmaktskomitéen.

Same året som han forlet Stortinget fekk Værland plass i styret for Hypotekbanken, eit verv han hadde til 1942. Tidlegare, i 1926, var han formann i Komiteen om Statens pensjonskasse av 1926.

Kjelder[endre | endre wikiteksten]