Tsjerepovets

Tsjerepovets
Череповец
by
Flyfoto av Tsjerepovets.
Flagg Våpenskjold
Land	Russland
Føderasjonssubjekt	Vologda oblast
Høgd	130 m
Areal	120,9 km²
Folketal	298 160 (1. januar 2025)
Grunnlagd	1777
•  Bystatus	1777
Postnummer	162600–162627
Retningsnummer	(+7) 8202
Tsjerepovets 59.133333333333°N 37.916666666667°E / 59.133333333333; 37.916666666667
Wikimedia Commons: Cherepovets

Tsjerepovets (russisk Черепове́ц) er den største byen i Vologda oblast i Russland. Han ligg ved breidda av Rybinsk-reservoaret i Volga, nær det sørlege endepunktet på Volga-Austersjø-kanalen. Byen har om lag 300 000 innbyggjarar.

Historie

Rundt 1360 vart det oppretta eit kloster i åsane ved elva Sjeksna og landsbyen Fedosjevo voks fram rundt det. Historikarar ser denne landsbyen som hjartet i dagens Tsjerepovets. Byen fekk offisiell bystatus i 1777 etter ordre frå Katarina den store. Ved bygginga av Mariinskkanal-systemet vart Tsjerepovets, som ligg ved Volga, knytt til Austersjøen. Under den andre verdskrigen vart fleire store fangeleirar oppretta i området og rundt 30 000 menneske døydde i desse leirane.

Økonomi

Tsjerepovets er den viktigaste industribyen i regionen. Her er mellom anna jernverk, stålfabrikkar (til dømes Severstal), store skipsverft og kjemiske bedrifter. Kolbehovet til metallindustrien i byen vert dekt av gruver i Vorkuta og jernmalmen kjem frå gruver på Kolahalvøya. I tillegg er det sagbruk i byen, som handsamar tømmer frå skogane rundt byen. Byen vert betjent av Tsjerepovets lufthamn, som ligg 18 km nord for byen.

Utdanning

I Tsjerepovets ligg eit statleg universitet.

Kjelder

• Denne artikkelen bygger på «Tsjerepovets» frå Wikipedia på bokmål, den 30. november 2008.

Bakgrunnsstoff

Commons har multimedium som gjeld: Tsjerepovets

• Offisiell nettstad