Ulukbek Maripov

Frå Wikipedia – det frie oppslagsverket
Ulukbek Maripov

FøddУлукбек Асамидинович Марипов
30. august 1979 (44 år)
Kyrgyz-Ata
Yrkeembetsmann
Utdanna vedOsh State University
Alle verv
  • Kirgisistans statsminister (2021–2021)
  • Kirgisistans statsminister (2021–2021) Sjå dette på Wikidata

Ulukbek Asamidinovitsj Maripov (fødd 30. august 1979) er ein kirgisisk politikar som var statsminister i Kirgisistan frå 3. februar til 5. mai 2021, og som heldt fram som formann for ministerkabinettet etter ei konstitusjonell endring frå 5. mai til 12. oktober 2021.[1]

Biografi[endre | endre wikiteksten]

Maripov blei fødd 30. august 1979 i landsbyen Kyrgyz-Ata i Osj-regionen i den dåverande kirgisiske sosialistiske sovjetrepublikken. Han er son av Asamuddin Maripov.[2] Han er utdanna innan finans og rettsvitskap og arbeidde i finansdepartementet frå 2001 til 2003. Frå 2003 til 2005 var han rådgjevar for akim (tilsvarande guvernør) i Batken oblast sør i Kirgisistan. Han var konsulent i parlamentet frå 2005 til 2006, og fram til 2010 var han i presidentadministrasjonen. I 2010 var han leiar for avdelinga for internasjonalt samarbeid i beredskapsdepartementet. Frå 2010 arbeidde han ved presidentkontoret, frå 2015 som visesstabsleiar for president Almazbek Atambajev. Frå 2016 til 2021 var han leiar for revisjonsretten.[3] I 2022 var han fullmektig ved den kirgisiske ambassaden i Saudi-Arabia, seinare også i Bahrain og Egypt.

Regjeringssjef[endre | endre wikiteksten]

Den russiske statsministeren Mikhail Misjustin og Ulukbek Maripov under eit møte i 2021.

Etter parlamentsvalet 4. oktober 2020 samla fleirtalskoalisjonen seg om å føreslå Maripov som statsministerkandidat. Regjeringa hans blei tatt i eid 3. februar 2021. Talet på regjeringsmedlemmar blei redusert frå 22 til 16.[4] Rett etter innsetjinga drog Maripov til møte i Det eurasiske mellomstatlege rådet (EIC) i Almaty der han hadde samtalar med den russiske statsministeren Mikhail Misjustin, den belarusiske statsministeren Raman Halowtsjanka[5] og den armenske statsministeren Nikol Pasjinjan.[6] Etter konflikten med Tadsjikistan i 2021 kunngjorde han at Batken-regionen, der konflikten fann stad, skulle få ein spesiell status.[7]

Formann for ministerkabinettet[endre | endre wikiteksten]

Den 5. mai 2021 signerte president Sadyr Zjaparov ei ordre som omorganiserte regjeringsmakta og utnemnde Maripov til formann for ministerrådet.[8] Han blei 12. oktober 2021 erstatta av Akylbek Zjaparov som overtok som fungerande formann.[9]

Etter regjeringssjefperioden[endre | endre wikiteksten]

Frå 25. januar 2022 var Maripov den kirgisiske ambassadøren til Saudi-Arabia.[10] Frå 25. november 2022 er han den kirgisiske ambassadøren til Bahrain og Egypt.[11]

Familie[endre | endre wikiteksten]

Maripov er bror til Baktybek Maripov som var akim (guvernør) i Nookat-regionen frå november 2020 til han blei avsett i februar 2021.[12]

Kjelder[endre | endre wikiteksten]

  1. ↑ RFE/RL Kyrgyz Service (3. februar 2021). «Trimmed-Down Kyrgyz Cabinet Sworn In After Parliament's Approval». Radio Free Europe/Radio Liberty. 
  2. ↑ Makanbai kyzy, Gulmira (3. februar 2021). «Rally against appointment of Ulukbek Maripov as Prime Minister held in Bishkek». 24.kg. 
  3. ↑ «Biography: Chairman of the Cabinet of Ministers Maripov Ulukbek Asamidinovich» (på kirgisisk). www.gov.kg (Government of Kyrgyzstan). 
  4. ↑ Imanaliyeva, Ayzirek (3. februar 2021). «Kyrgyzstan: Parliament approves new, streamlined government». eurasianet.org. 
  5. ↑ Kudryavtseva, Tatyana (5. februar 2021). «Ulukbek Maripov meets with Prime Minister of Belarus Roman Golovchenko». 24.kg. 
  6. ↑ «PM Pashinyan meets with Kyrgyz counterpart in Almaty». www.primeminister.am. 
  7. ↑ «Kyrgyzstan's Batken Region bordering Tajikistan to receive special status». Tass. 
  8. ↑ «Ulukbek Maripov becomes Chairman of Cabinet of Ministers of Kyrgyzstan». AKIpress News Agency. 
  9. ↑ «Akylbek Japarov appointed as acting Chairman of the Cabinet». AKIpress News Agency. 
  10. ↑ «Улукбек Марипов назначен послом Кыргызстана в Саудовской Аравии» (på russisk). 25. januar 2022. 
  11. ↑ «Улукбек Марипов назначен Чрезвычайным и Полномочным Послом Кыргызстана в Бахрейне и Египте по совместительству» (på russisk). 25. november 2022. 
  12. ↑ «Кто он – Улукбек Марипов?» (på russisk). Радио Азаттык (Кыргызская служба Radio Free Europe/Radio Liberty). 

Bakgrunnsstoff[endre | endre wikiteksten]

Commons har multimedium som gjeld: Ulukbek Maripov
Henta frå «https://nn.wikipedia.org/w/index.php?title=Ulukbek_Maripov&oldid=3536858»