Vaduz

Frå Wikipedia – det frie oppslagsverket
Hopp til navigering Hopp til søk
Vaduz
Schloss Vaduz
Schloss Vaduz
Flagget til Vaduz Byvåpenet til Vaduz
Flagget til Vaduz Byvåpenet til Vaduz
Styresmakter
Land
Liechtenstein
Geografi
Flatevidd
 - By

17,3 km²
Innbyggjarar
 - By (2006)
   - folketettleik

5 143
  288/km²
Koordinatar 47°08′″N 9°31′″EKoordinatar: 47°08′″N 9°31′″E
Høgd over havet 445 m
Diverse anna
Postnummer 9490
Telefon-retningsnummer 7001
Heimeside: www.vaduz.li
Plassering
Vaduz og eksklavane i Liechtenstein
Vaduz og eksklavane i Liechtenstein

Vaduz er hovudstad i fyrstedømet Liechtenstein og sete for nasjonalparlamentet. Byen, som ligg ved Rhinen, har 5 248 (2006) som hovudsakleg er romersk-katolske. Domkyrkja er sete for ein romersk-katolsk erkebiskop.

Sjølv Vaduz er den mest kjende staden i Liechtenstein er han ikkje den største landsbyen i fyrstedømet. Nabokommunen Schaan har litt fleire innbyggjarar.

Historie[endre | endre wikiteksten]

Vaduz skal visstnok ha vorte nemnd i historiske kjelder på 1100-talet som Farduzes. Han vert derimot rekna for å ha vorte grunnlagd på 1200-talet av grevane av Werdenberg. I 1322 vert det nemnd at det vart bygd ei borg, som vart plyndra av sveitsarane i 1499.

Landemerke[endre | endre wikiteksten]

Det mest kjende landemerke i Vaduz er Schloss Vaduz, residensen til fyrsten av Liechtenstein og fyrstefamilien. Slottet er synleg frå nesten alle stader i Vaduz og ligg på toppen av ein bratt ås i midten av byen.

Museum[endre | endre wikiteksten]

Det nasjonale kunstgalleriet og nasjonalmuseumet ligg i Vaduz. Kunstgalleriet (Kunstmuseum Liechtenstein) inneheld moderne kunst og samtidskunst. Bygget er eit arkitektonisk landemerke bygd av dei sveitsiske arkitektane Morger, Degelo og Kerez. Det stod ferdig i 2000 og dannar ein «svart boks» med farga betong og svart basaltstein. Museumssamlinga er òg den nasjonale kunstsamlinga til Liechtenstein.

Liechtenstein nasjonalmuseum viser ei permanent utstilling av kultur- og naturhistoria til Liechtenstein i tillegg til nokre spesielle utstillingar. Ein finn òg eit frimerkemuseum og eit skimuseum i byen.

Turisme[endre | endre wikiteksten]

Vaduz har ein livleg turistindustri trass i at han er ein av særs få hovudstader i verda utan flyplass eller jernbanestasjon. Den næraste jernbanestasjonen ligg i Sargans i Sveits, om lag 7 km frå Vaduz. Vaduz har derimot eit effektivt bussnettverk som ofte har avgangar til Sargans og Buchs (i Sveits). Mobile turistkontor finn ein i sentrale område gjennom turistsesongen. Byen har ein livleg marknad som sel handlaga suvenirar.

Sport[endre | endre wikiteksten]

FC Vaduz er det lokale fotballaget i Liechtenstein, og både dette og andre lag i landet spelar i den sveitsiske ligaen.

Bilete[endre | endre wikiteksten]

Bakgrunnsstoff[endre | endre wikiteksten]

Commons-logo.svg Wikimedia Commons har multimedia som gjeld: Vaduz

Kjelder[endre | endre wikiteksten]