Valerij Bortsjin
| Valerij Bortsjin | |
|
| |
| Statsborgarskap | Russland |
| Fødd | 11. september 1986 (37 år) Povodimovo |
| Idrett | friidrett |
| Tok del i | |
| Utmerkingar |
Venskapsordenen |
Valerij Viktorovitsj Bortsjin (fødd 3. juli 1986) er ein russisk tidlegare friidrettsutøvar frå Mordovia som i 2008 vart olympisk meister i 20 km kappgang. Han vart også kåra til verdsmeister i same øvinga både i 2009 og 2011, begge triumfane vart annullerte i 2015.
Bortsjin vart andremann i 20 km kappgang ved EM 2006 i Göteborg, eit lite minutt bakom Francisco Javier Fernández frå Spania. To år seinare vann Bortsjin den olympiske gullmedaljen under sommarleikane i Beijing, 14 sekundar før den trefaldige verdsmeisteren i øvinga, Jefferson Pérez frå Mexico.
Både i 2009 og 2011 gjekk Bortsjin inn til siger på 20 km under verdsmeisterskapane i høvesvis Berlin og Daegu. Då desse prestasjonane vart underkjende i 2015, vedtok Det internasjonale friidrettsforbundet at tredjemann i Daegu, Luis Fernando López frå Colombia, skulle tildelast gullmedaljen i 20 km kappgang for 2011.
Under Sommar-OL 2012 kollapsa Bortsjin etter 18 km og braut tevlinga.
Doping[endre | endre wikiteksten]
Bortsjin var i tida juni 2005- mai 2006 stengd ute frå friidretten grunna doping. I 2015 vart alle hans prestasjonar frå juli 2009 til og Sommar-OL 2012 annullerte, ettersom hans biologiske pass viste store, uforklarlege utslag i den gjeldande perioden, funn som ikkje var kjende med han deltok internasjonalt.
Medaljar og plasseringar i internasjonale meisterskap[endre | endre wikiteksten]
- EM 2006 i Göteborg: Sølvmedalje – 1.20.00, bakom Francisco Javier Fernández (1.19.09)
- VM 2007 i Osaka: Braut 20 km
- OL 2008 i Beijing: Gullmedalje – 1.19.01, framom Jefferson Pérez (1.19.15)
- VM 2009 i Berlin: Annullert gullmedalje – 1.18.41
- VM 2011 i Daegu: Annullert gullmedalje – 1.19.56
- OL 2012 i London: Braut 20 km
Kjelder[endre | endre wikiteksten]
- Denne artikkelen bygger på «Valeriy Borchin» frå Wikipedia på engelsk, den 9. august 2018.