Vestbøstad
| Vestbøstad | |||
| stad | |||
| Land |  Noreg
| ||
|---|---|---|---|
| Fylke | Hordaland | ||
| Kommune | Fitjar | ||
| Gardnummer | 61 | ||
Vestbøstad er ein gard sentralt i Fitjar kommune. Han ligg nord for Storavatnet og grensar til Rimbareid og Nesbø i aust, til Storavatnet og Helland i sør. I vest ligg Engesundsleia med Hjelmen og Gloppholmen. I nord ligg Kjeholmen og Prestbø.
Historie[endre | endre wikiteksten]
Garden er særs gammal og truleg av dei eldste i Fitjar. Ein har funne kring 20 gravrøyser på Vestbøstad og det er gjort fleire funn av ting laga av bronse og jern, i tillegg til mange steinalderreiskap.
Namnet er tolka av namneforskaren Magnus Olsen til å ha kome frå den gamle forma Vestribolstad, som tyder «den vestre garden», i motsetnad til Rimbareid. Daglegnamnet er i dag Vespestad.
Vestbøstad høyrte til Lyseklostergodset frå mellomalderen til 1864, då brukarane løyste inn bruka sine og vart sjølveigarar. Dei eldste skriftlege kjeldene som nemner brukarane på Vestbøstad er skattemanntalet i 1519, då det var tre brukarar på garden, Per, Jon og Niels.
Det ligg ein gammal kolerakyrkjegard på vestsida av garden.
Kjelder[endre | endre wikiteksten]
- Simon Steinsbo (1986). Fitjar bygdebok - Gards- og ættesoge 1. Fitjar.
- Vestbøstad på norgeskart.no