Vestmannalaget

Vestmannalaget er eit mållag i Bergen. Laget vart skipa allereie i 1868, og er det eldste mållaget i Noreg. Fyrste formann i laget var Henrik Krohn (1826-1879). Laget har frå 1985 av gjeve ut meldingsbladet Vestmannen. På byrjinga av 1960-talet melde laget seg ut av Noregs Mållag. Utmeldinga kom mykje på grunn av usemje om rettskriving. Vestmannalaget melde seg seinare inn i Ivar Aasen-sambandet, som arbeider for høgnorsk.

Vestmannalaget er i tillegg med i Vestlandske Mållag, Bygdelagsnemndi i Bergen, Kyrkjenemndi i Bergen og Det norrøne grønlandslaget.

Aasmund Olavsson Vinje skreiv diktet «Til Vestmannalaget» i 1869.

Historie

Vestmannalaget hadde frå skipingstida stor innverknad på det kulturelle miljøet i Bergen, og merkte seg ut med å ha med folk frå borgarskapet i medlemsstokken. Laga hadde fast møteverksemd, føredragsrekkjer, gav ut tidsskriftet Fraa By og Bygd og målmedvite arbeid for atterreising av Håkonshallen.

Laget har arbeidt for å fremje samband og samarbeid mellom Noreg og Island og mellom Noreg og Færøyane.

Formenn

Denne lista er diverre ufullstendig. Om du veit meir, kan du hjelpe Wikipedia ved å utvide henne.

• Henrik Krohn (1868-1873)
• Olav Lofthus (1873-1875)
• Hans Mo (1875-1879)
• Edv. G Johannessen (1879-1908)
• C. B Bugge (1908-1922)
• R. Haugsøen (1922-1924)
• Johs. Lavik (1924-1929)
• Eirik Hirth (1929-1937)
• Gustav Indrebø (1937-1942)
• Eirik Hirth (1942-1946)
• Olav Brattegard (1946-1947)
• Per Thorson (1947-1950)
• Ludv. Jerdal (1950-1956)
• Anders Thuen Seim (1956-1957)
• Ludv. Jerdal (1957-)

Litteratur

• Conrad Clausen, Torleiv Hannaas og Ludvig Jerdal: Vestmannalaget i 110 år, Bergen 1978, Norsk bokreidingslag ISBN 82-90186-14-2

Kjelder

Fotnotar