Viktoria Rebensburg

Frå Wikipedia – det frie oppslagsverket
Hopp til navigering Hopp til søk
Viktoria Rebensburg
Porträts bei der Olympia-Einkleidung München 2018 (Martin Rulsch) 21.jpg
Fødd 4. oktober 1989
Kreuth
Yrke alpinist, tollar
Viktoria Rebensburg på Commons

Viktoria Rebensburg (fødd 4. oktober 1989) er ein tysk alpin skirennar frå Tegernsee i Bayern, som vart olympisk meister i storslalåm i 2010. Ho vann FIS-pokalen som verdas beste storslalåmrennar i både 2011 og 2012.

Aktiv[endre | endre wikiteksten]

Rebensburg kom fyrste gong på pallen i eit verdscuprenn i Cortina d'Ampezzo 24. januar 2010, i yndlingreina storslalåm var det berre finske Tanja Poutiainen som rann fortare. Ein månad seinare sikra Rebensburg seg gullmedaljen i storslalåm under vinterleikane i Vancouver, med ein margin på fire hundredels sekund til sølvvinnaren, Tina Maze frå Slovenia.

23. oktober 2010 vann Rebeensburg opningsrennet i sesongen 2010/11, eit storslalåmrenn i Sölden, hennar fyrste triumf i verdscupen. Seinare i same sesongen vann ho to ny verdscuprenn i storslalåm, i høvesvis Zwiesel og Spindleruv Mlyn. Gjennom sesongen 2011/12 vann ho heile fem renn i verdscupen i alpine greiner, fire i storslalåm samt ei super-g-tevling i Schladming. I 2012/13-sesongen sigra ho i to verdscuptevlingar, føre jul i storslalåm og etter jul i super-g.

Vinteren 2014 vann ho OL-bronsen i storslalåm i Sotsji, bakom Tina Maze og austerrikske Anna Fenninger. Same Fenninger var hennar overkvinne også i VM i alpine greiner 2015, der Rebensburg tok sølvmedaljen.

Kjelder[endre | endre wikiteksten]

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Viktoria Rebensburg