Ytrebygda

Kart over bydelane i Bergen.

Ytrebygda er ein bydel i Bergen kommune, på sørsida av Grimstadfjorden og Nordåsvatnet. Bydelen grensar til Fana i aust, og i nord, over Grimstadfjorden ligg Fyllingsdalen. Ytrebygda hadde 25.710 innbyggjarar i 2011.

Opphavleg var Ytrebygda ein del av Fana kommune. Under den store kommunesamanslåinga i 1972 vart Ytrebygda så ein del av Fana bydel, og vart skilt ut som eigen bydel i 1990. Framleis høyrer kyrkjene i Ytrebygda til under Fana prosti.

Ytrebygda omfattar tettstadene Steinsvik, Nordås, Grimseid, Milde, Hjellestad, Flesland, Dolvik, Søreide, Kokstad, Sandsli og Blomsterdalen. Det ligg 9 grunnskular og to vidaregåande skular i bydelen.

Fasilitetar

• Fana folkehøgskole, Hjellestad
• Siljustøl museum, heimen til Harald Sæverud
• Herregarden Store Milde
• Bergen lufthamn, Flesland
• Søreide kyrkje
• Ytrebygda nærkyrkje

Kjelder

• «Ytrebygda» i Store norske leksikon, snl.no., henta inn 14. februar 2012.
• Bokmålswikipedia om Ytrebygda, henta inn 14. februar 2012.