Yvette Williams

Frå Wikipedia – det frie oppslagsverket
Hopp til navigering Hopp til søk
Yvette Williams

Yvette Williams 1954b.jpg

Statsborgarskap New Zealand
Fødd 25. april 1929
Dunedin
Død

13. april 2019
Auckland

Idrett friidrett
Yrke friidrettsutøvar, kulestøter

Yvette Winifred Williams (fødd 5. april 1929) er ein newzealandsk tidlegare friidrettsutøvar frå Dunedin som i 1952 vart olympisk meister i lengdehopp.

Yvette Williams i 1954

Under samveldeleikane 1950 i Auckland vann Williams lengdehopp med 5,91 m. Året etter sette ho personleg rekord med 6,13 m, einast to kvinnelege lengdehopparar kunne den gongen vise til betre resultat i øvinga.

Sommaren 1952 landa ho i den fjerde omgangen av lengdetevlinga under dei olympiske leikane i Helsinki på 6,24 m, og tok over leiinga frå sovjetiske Aleksandra Tsjudina som hadde nådd 6,14 m i andre omgang. Ingen av dei to, som stod i ein klasse for seg i tevlinga, makta forbetre seg og det vart gull til Williams og sølv til Tsjudin. I sommarleikane deltok Williams også i øvingabe kulestøyt og diskoskasting, der ho vart høvesvis nummer 6 og 10.

I februar 1954 sette Williams i Gisborne verdsrekord i lengdehopp med 6,29 m, ein rekord som stod i 18 månader. Ved samveldeleikane 1954 i august i Vancouver vann Williams tre av tevlingane, både i lengdehopp, kulestøyt og diskoskast stod ho att som den klare einaren.

Kjelder[endre | endre wikiteksten]