Østre Romerike prosti

Østre Romerike prosti er eit tenestedistrikt i Borg bispedømme i Den norske kyrkja. Prosten har i dag sete i tettstaden Årnes. Då prostiet vart oppretta i 1998 låg prostesetet framleis i Nes prestegjeld/Vormsund som også tidlegare har vore kyrkjeleg sentrum i Nes kommune/kyrkjedistrikt. Etter at dåverande sokneprest Hovde i Nes fekk nytt kall i Stranda på Sunnmøre i 2001 vart prostestaden flytta til Årnes.

Prostiet er inndelt i prestegjeld og sokn. Soknet er grunneininga i Den norske Kyrkja. Dei som arbeider i kyrkja er anten tilsette av soknet gjennom kyrkjeleg fellesråd, eller dei er tilsette i prostiet. Dei fleste prestane er tilsette i prostiet, og har tenesta si knytt til eit eller fleire sokn.

Prestegjeld og sokn i Østre Romerike prosti:

• Årnes prestegjeld med
  • Årnes sokn
  • Auli sokn

• Nes prestegjeld med
  • Nes sokn
  • Udenes sokn
  • Fenstad sokn
  • Ingeborgrud sokn

• Høland prestegjeld med
  • Søndre Høland sokn
  • Løken sokn
  • Setskog sokn
  • Bjørkelangen sokn

• Aurskog prestegjeld med
  • Aurskog sokn

• Fet prestegjeld med
  • Fet sokn
  • Dalen sokn

• Sørum prestegjeld med
  • Sørum sokn
  • Blaker sokn
  • Frogner sokn

Sjå òg:

• Kyrkjer i Noreg etter kommune
• Nettsida til Den norske kyrkja