Ahn Young-Hak

안영학
Ahn Young-Hak

Personleg informasjon
Namn	Ahn Young-Hak (koreansk: 안영학)
Fødselsdato	25. oktober 1978
Fødestad	Kurashiki i Japan
Høgd	182 cm
Posisjon	Midtbane
Klubbinformasjon
Spelar for	Omiya Ardija
Draktnummer	5
Klubbar*
År	Klubb	Kampar (mål)
2002-04 2005 2006-07 2008-09 2010-	Albirex Niigata Nagoya Grampus Busan I'Park Suwon Bluewings Omiya Ardija	94 (7) 21 (0) 39 (5) 18 (2) 0 (0)
Landslag
2007-	Nord-Korea	22 (2)
* Klubbkampar og mål i nasjonal liga   er sist oppdatert 14. januar 2010.

Ahn Young-Hak, med revidert transkripsjon An Yeong-hak (fødd 25. oktober 1978 i Kurashiki i Chūgoku-regionen i Japan) er ein nordkoreansk-japansk fotballspelar som spelar på midtbanen for Omiya Ardija i den japanske J-ligaen, og for det nordkoreanske landslaget.

Ahn vart fødd og voks opp i Japan av koreanske foreldre. Han gjekk på ein skule som ideologisk identifiserte seg med Nord-Korea. Han er nordkoreansk statsborgar, og har ikkje japansk pass.

Klubbkarriere

I 2002 begynte han karrieren sin som profesjonell fotballspelar i den japanske andredivisjonsklubben Albirex Niigata, der han var med på å vinna opprykk i 2003. Før 2005-sesongen gjekk han til Nagoya Grampus Eight, før han drog til Sør-Korea og Busan I'Park i K-ligaen i 2006. Frå 2008 til 2009 spelte han så for Suwon Samsung Bluewings, også i K-ligaen, der han var med på å vinna seriemeisterskapen i 2008 og cupen i 2009. I 2010 vende han attende til Japan og førstedivisjonsklubben Omiya Ardija.

Landslagskarriere

Ahn har spelt for Nord-Korea sitt landslag sidan 2002. Under kvalifiseringa til fotball-VM i 2006 spelte han i fem kampar, og i 2008 spelte han for Nord-Korea i austasiameisterskapen. Elles spelar han sjeldan i landskampar utanom offisielle FIFA-kampar. Under den vellukka kvalifiseringa til fotball-VM i 2010 spelte han 13 av kampane, og var ein av hjørnesteinane på laget.

Fotnotar

Denne artikkelen begynte med ei omsetjing frå tysk wikipedia 8. juni 2010.