Bruce Tulloh
| Bruce Tulloh | |
| Statsborgarskap | Storbritannia |
| Fødd | 29. september 1935 Datchet |
| Død | |
| Idrett | friidrett, langdistanseløp |
| Tok del i | |
Michael Swinton Tulloh, kjend som Bruce Tulloh, (29. september 1935–28. april 2018) var ein britisk langdistanseløpar som i 1962 vart europameister på 5 000 meter.
Karriere[endre | endre wikiteksten]
Sommaren 1961 sette Tulloh personleg rekord på 5 000 meter med 13.52,8 då han sigra i eit stemne i Budapest. Vel eitt år seinare vann han gullmedaljen på distansen ved EM i friidrett 1962 i Beograd på tida 14.00,6. I landskamp mot Finland i Helsinki 22. juli 1964 fekk han notert livsbeste 13.49,4, slått med fire tidels sekund av Fergus Murray, vinnaren av løpet. Ved europameisterskapen i Budapest i 1966 deltok Tulloh på 10 000 meter og vart sjettemann på livsbeste 28.50,4.
I 1969 sprang Tulloh 4 628 kilometer gjennom USA frå Los Angeles til New York City på 64 dagar, noko han skildra i boka Four Million Footsteps. Han var kjent for å springe berrføtt i mange av løpa sine.
Kjelder[endre | endre wikiteksten]
- Bruce TULLOH | Profile | World Athletics
- Denne artikkelen bygger på «Bruce Tulloh» frå Wikipedia på engelsk, den 4. september 2023.