Byfjorden ved Tønsberg

Byfjorden
Tønsbergfjorden sett frå Slottsfjellet. Agility Groups verft på Kaldnes til venstre, Ilene til høgre, med Jarlsberg Travbane og utløpet av Aulielva i bakgrunnen. Foto: 2008
Land	Noreg
Byfjorden 59.27084806°N 10.38716611°E / 59.27084806; 10.38716611

Små «vikingskip» ved brygga i Tønsberg. Kaldnes bru mellom byen og Nøtterøy-sida opna i 2005.

Byfjorden er ein fjord i Tønsberg kommune i Vestfold. Han utgjer den inste delen av Tønsbergfjorden, som igjen er ein sidefjord i Oslofjorden, og går mellom Kanalen i Tønsberg, Tønsberghus og Jarlsberg travbane. Inst i fjorden ligg Iljane våtmarksområde og naturreservat, skipa i 1985. Ved kanalen ligg Kanalbrua, ei vippebru for biltrafikk opna i 1957, og i Ollebukta er det ei småbåthamn. Mellom restaurantane, mediehuset og gjestehamna på brygga i byen og Kaldnes på Nøtterøy-sida går Kaldnes bru, ei gangbru som opna i 2005. På området etter Kaldnes Mekaniske Verkstad, eit skipsverft i drift frå 1899 til 1984, er det reist høge bygg med leilegheiter.

Galleri

• 
  Byfjorden ca. 1947, med Tønsberg by til venstre, Kaldnes Mekaniske Verkstad på Kaldnes til høgre og Oslofjorden i bakgrunnen.
• 
  Byfjorden 1958, med Kanalbrua over kanalen mellom øya Nøtterøy og Tønsberg framfor. Klaffebrua opna året før. Fylkesveg 308 går over brua. Småbåthamna i Ollebukta til høgre. På Nøtterøysida ligg Teie hovedgård med Tønsberg Reperbane og anlegget etter Teie ubåtstasjon nedanfor.
• 
  Byfjorden 1967, med Teie og Nøtterøy til venstre, byen til høgre og Sem og Indre Vestfold i bakgrunnen.
• 
  Utsikt frå Frodeåsen mot Byfjorden. Trehusbusetnaden nord for Slottsfjellet er midt på biletet og den siste resten av industri kan ein sjå yttst på Kaldneset i øvre venstre biletkant.
• 
  Agility Group-verftet på Kaldnes i Tønsberg med delvis islagd byfjord 2009.
• 
  Kanalbrua over kanalen mellom Tønsberg og Nøtterøy, ein del av Byfjorden, 2008.
• 
  Brygga i Tønsberg 2008 med gjestehamna i bakgrunnen.
• 
  Kaldnes Mekaniske Verksted er blitt erstatta av leilegheiter med utsikt mot byen på andre sida av Byfjorden og kanalen.
• 
  Kaldnes bru er ei gangbru frå Kaldnes over Byfjorden til brygga. Ho opna i 2005.
• 
  Oseberg kulturhus i Tønsberg ligg ved brygga i Ollebukta. Bygget opna i 2002.

Kjelder

• Denne artikkelen bygger på «Byfjorden (Tønsberg)» frå Wikipedia på bokmål, den 22. mai 2020.