Christian Meidell
| Christian Meidell | |
| Statsborgarskap | Noreg |
| Fødd | 30. januar 1780 |
| Død | |
| Yrke | politikar |
| Språk | norsk |
Christian Garup Meidell (30. januar 1780–19. mars 1863) var ein norsk hærmann frå Balestrand som var stortingsmann 1827-28 og fyrste ordføraren i heradet.
Meidell var son til ein militær-kaptein og gardbrukar på Flesje i Balestrand. Sjølv reiste han til København og utdanna seg 1795-98 ved landkadettakademiet. Han steig i gradane frå fenrik i 1798, via sekondløytnant og premierløytnant til kaptein og kompanisjef i 1811. I 1818 tok han avskjed frå dansk hærteneste og busette seg garden Flesje. Frå 1823 var han kompanisjef i Bergenske brigade, 1839-54 oberstløytnant og korpssjef.
Meidell representerte Nordre Bergenhus amt på stortinget 1827 og omframtstortinget 1828. I 1827 var han med i Militærkomiteen, i 1828 i Komiteen om vernepliktslova. Sidan var han både ordførar 1838-39 og forlikskommissær i Balestrand i mange år.
Kjelder[endre | endre wikiteksten]
- Lindstøl, Tallak: Stortinget og Statsraadet 1814-1914. Kristiania, 1914