Cosimo Rosselli

Frå Wikipedia – det frie oppslagsverket
Gå til: navigering, søk
Madonna og barn med englar, ca 1480

Cosimo di Lorenzo Rosselli (14397. januar 1507) var ein italiensk renessansemålar som arbeidde i Firenze og Roma.

Rosselli var frå Firenze. I åra 1453-56 var han elev av Neri di Bicci, kanskje også av Benozzo Gozzoli. I 1481 deltok han i utsmykkinga av det sixtinske kapellet, på oppdrag frå pave Sixtus IV. Han måla der Nattverden og Moses tek mot lovtavlene med meir. Mellom verka hans i Firenze er freskoane i Santissima Annunziata og Sant’Ambrogio.

Rosselli var teknisk sett ein framifrå målar, men han mangla originalitet. Han måla i ein ganske streng lineær og stiv stil. I sine seinare år måla han i ein stil som minner om Filippino Lippi. Fra Bartolommeo, Andrea del Sarto og Piero di Cosimo var mellom dei han hadde til elevar.

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Cosimo Rosselli

Kjelder[endre | endre wikiteksten]

Aschehougs kunsthistorie. Bind 4 Kunstleksikon