Elverum

Elverum

Plassering
Elverum
Elverum i Hedmark
Geografi
Folketal	13 777 (2011)
Folketettleik	1 104,8 /km²
Areal	12,47 km²
Koordinatar	60°52′54.9″N 11°33′44.3″E
Annan informasjon
Postnummer	2406 Elverum
Innbyggjarnemning	elverumsing, elverumsokning

Hovudgata i Elverum

Elvarheim er rådhuset i Elverum

Elverum eller Leiret er ein by og administrasjonssenter i Elverum kommune i Hedmark med 13 777 innbyggjarar (2011). Tettstaden voks opp under skansen i Christiansfjeld, som vart bygd i 1680-åra. Frå 1750 vart den kjende Grundsetmartn halden her, og med utbygging av kommunikasjonane i nyare tid har staden styrka posisjonen som handels- og skulesentrum.

Elverum sentrum ligg på austsida av Glomma, men delar av tettstaden ligg også på vestsida (Vestad). Dei fleste sentrumsfunksjonane og det meste av busetnaden er på austsida av elva. Der ligg rådhuset og den kommunale administrasjonen, i tillegg til ein del offentlige kontor som har store delar av Østerdalen som verkeområde. På vestsida av elva ligg mellom anna jarnbanestasjonen, Skyte- og Vinterskolen for Infanteriet (Terningmoen) og ein del industri. Kommunestyret vedtok bystatus for Elverum i 1996.

Namnet Leiret kjem av 'Elverums leir', her i tydinga militær leirplass.

Sjå òg

• Tettstader i Hedmark

Kjelder

• Store norske leksikon, snl.no, «Elverum – tettstedet»

• Store norske leksikon, snl.no, «Elverum – kommune i Hedmark»

Bakgrunnsstoff

• Elverum Reiseliv
• Vêrvarsel for Elverum, yr.no