Estoniaforliset

Frå Wikipedia – det frie oppslagsverket
Gå til: navigering, søk
MS «Estonia» før forliset

Estoniaforliset i 1994 var den største skipsulykka i Europa etter 2.verdskrig. Den estisk-svenske passasjerferja MS «Estonia» kantra natt til 28. september 1994 utanfor munningen til Finskebukta og sokk etter kort tid. Ferja var på veg frå Tallinn til Stockholm og hadde 989 menneske ombord. 852 personar omkom. Seks nordmenn var blant dei omkomne, men flesteparten av dei omkomne var svenskar. 137 blei redda og overlevde. Forliset er framleis uoppklart.

Ulukkesforløpet[endre | endre wikiteksten]

Natta då forliset skjedde skulle MS «Estonia» nå hamna i Stockholm kl. 08.30, og låg noko bak skjema. Klokka 23.55 vart det høyrt eit høglydt smell av metall mot metall. Havarikommisjonen meiner at lydane kom frå baugporten, som svikta under dei høge bølgjene. Tjue minutt seinare høyrdest to nye høge smell, og straks etterpå fekk skipet ei kraftig slagside på ca 40 grader. Kommisjonen meiner at lydane kom av at baugporten då brakk laus frå båten og drog med seg rampa som dekka for opninga til bildekket. Dermed vart bildekket raskt fylt opp av havvatn.

På grunn av den kraftige hellinga, kunne ingen livbåtar sjøsetjast, men det vart satt ut tjue redningsflåtar. Mange vart fanga inne i kabinane sine, men berre dei om lag 300 som greidde å koma seg ut på dekk i tide, fekk sjansen til å overleva. Dei fyrste naudsignala frå MS «Estonia» vart plukka opp av eit anna skip kl. 00.24. Mannskapet bad om hjelp, men dei fekk ikkje gitt posisjonen sin før fem minutt seinare, grunna straumbrot. MS «Estonia» sokk kl. 00.53. Det fyrste skipet som kom til ulukkesstaden, var MS «Mariella». Då oppfatta ikkje ekkoloddet nokon teikn til sjølve skipet nokonstad, men det vart observert flytande gjenstandar i vatnet.

Innan redningshelikoptra kom, hadde ein tredel av dei overlevande i vatnet allereie omkome av nedkjøling eller drukning. Til slutt var det mindre enn halvparten av dei som kom seg ut, som vart redda, og mange av dei er unge, sterke menn.

Ettermæle[endre | endre wikiteksten]

MS «Estonia» vart aldri heva. Staden der skipet sokk, er i dag erklært som gravstad, og det er forbode å dykka der. 758 av dei omkomne er difor framleis sakna.

Den internasjonale havarikommisjonen konkluderte med at skipet forliste som følgje av ein teknisk feil på baugporten. Andre hevdar at tragedien ikkje var ei ulukke.

Kjelde[endre | endre wikiteksten]

  • Aftenposten, 20. september 2014: Lørdag, del 1: "Mayday. Mayday. Det ser virkelig ille ut nå." Om Estoniaforliset. Journalistar: Robert Veiåker Johansen, Nina Selbo Torset og Sofie Gran Aspunvik.

Bakgrunnsstoff[endre | endre wikiteksten]

http://www.nrk.no/nyheter/utenriks/1.5694498

Spire Denne artikkelen er ei spire. Du kan hjelpe Nynorsk Wikipedia gjennom å utvide han.