Fjelldal

Fjelldal

Plassering
Fjelldal
Tjeldsund i Nordland
Geografi
Folketal	320 (2011)
Folketettleik	395,1 /km²
Areal	0,81 km²
Koordinatar	68°33′25″N 16°31′38″E
Annan informasjon
Ferdselsårer	Fv. 713

Fjelldal er ein tettstad i Tjeldsund kommune i Nordland. Fjelldal ligg på fastlandet, på austsida av Tjeldsundet og har 320 innbyggjarar (2011). Den næraste byen er Harstad, som ligg om lag 45 kilometer unna. Frå Fjelldal tar det om lag eitt kvarter å køyre til Harstad/Narvik lufthamn, Evenes.

Fjelldal har barneskule (Fjelldal skole) og barnehage (Kanutten barnehage). Sentralt på Fjelldal ligg eit servicesenter med butikk, Hydranten Pub & Spiseri, frisør (Studio 2 AS) og helsesenter med legekontor. Like ved servicesenteret ligg Norges Brannskole. Det er òg ei småbåthamn på Fjelldal, der Fjelldal Båtforening held til.

I forhold til traseplanen for Nord-Noreg-banen skulle sidesporet til Harstad passere over ei jernbanebru frå Fjelldal til Sandtorg.

Bakgrunnsstoff

• Fjelldal Båtforening si nettside