Harstad kommune

Harstad kommune
Komm.nr.	1901
Fylke	Troms
Adm.senter	Harstad
Areal	363 km²
Folketal	23 616 (1. jan 2012)
Politikk
Ordførar (2011-2015)	Marianne Bremnes (Ap)
Målform	Nøytral
Nettstad	www.harstad.kommune.no
Folketalsutvikling 1951-2010
Harstad kommune på Commons

Harstad er ein by og kommune i Troms. Han er den nest største byen i fylket, tredje største i Nord-Noreg, og var ladestad frå 1904. Under kommunereforma i 1964 blei Harstad slått saman med dei to tidlegare kommunane Trondenes og Sandtorg. Mesteparten av kommunen ligg på nord- og austsida av Hinnøya, den største øya i Noreg.

Hurtigruteskipet MS «Kong Harald» til kai i Harstad.

Byen er administrasjons- og skulesenter Sør-Troms, og eit viktig trafikknutepunkt, med mellom anna daglege vitjingar av Hurtigruta. Dei nordnorske festspela blir arrangerte i Harstad kvart år i slutten av juni. Byen har eiga lokalavis, Harstad Tidende.

Forsvaret

Harstad er tidlegere forsvarsby med Trondenes leir som mellom anna viser fram Adolfkanonen frå den andre verdskrigen. Han huser eller har husa:

• Befalsskolen for Infanteriet i Nord-Norge låg i Trondenes leir frem til han blei lagt ned sommaren 2003.
• Kystjegerkommandoen nyttar framleis Trondenes leir, men det har vore snakk om å flytta KJK til Tromsø.
• Forsvarets musikkorps Nord-Norge (også kjent som divisjonsmusikken)
• Forsvarets Lønnsadministrasjon
• Kystvakta KV «Harstad» har fått namnet sitt etter byen

Bydelar og bygder

Harstad by har tolv bydelar: Trondenes, Sama, Harstadåsen, Skaret, Sentrum, Heggen, Seljestad, Harstadbotn, Åsby, Gangsås, Stangnes og Kanebogen.

Desse tettstadane og bygdene, rekna sørover frå nordvest, ligg i kommunen: Kasfjord, Ervik, Hagan, Kilhus, Grøtavær, Lundenes, Alvestad, Medkila, Breivik, Ruggevik, Kilbotn, Nordvik, Melvik, Sørvik, Halsebø, Fauskevåg, Gausvik, Haukebø og Sandtorg.

Folketalsutvikling

Harstad kommune er den nest største kommunen i Troms etter folketal, og har vore det sidan kommunesamanslåingane i 1964.

Folketalsutvikling for noverande Harstad kommune frå 1930:

1.12.1930	3.12.1946	1.1.1951	1.1.1961	1.1.1971	1.1.1981	1.1.1991	1.1.2001	1.1.2010
11 441a	13 202a	14 039a	17 192	19 986	21 613	22 369	23 038	23 257

^a Talet omfattar ikkje eit område som var del av Kvæfjord kommune fram til 1956, då det vart overført til gamle Trondenes kommune. Dette området hadde då 32 innbyggjarar.

Kjende harstadværingar

Kine Hellebust, songar, skodespelar

• Knut Andersen (1931–), filmregissør
• Leif Bothner, (1905-1986) Milorg-leiar
• Unni Anisdahl (1947–), sportsreportar i NRK (radio)
• Kristin Clemet (1957–), politikar
• Hans Egede (1686–1758), «Grønlands apostel»
• Randi Hansen (1958–), popsongar
• Karl Erik Harr (1940–), biletkunstnar
• Kine Hellebust (1954–), songar, skodespelar
• Leif Arne Heløe (1932–), politikar, sosialminister
• Jon Lech Johansen (1983–), («DVD-Jon»)
• Hanna Kvanmo (1926–2005), politikar
• K.M. Myrland (1948–), visesongar
• Runar Normann (1978–), fotballspelar
• Iren Reppen (1965–), artist, forfattar
• Kjetil Rolness («Jens Pikenes») (1961–), artist, forfattar/skribent
• Lars A. Sandness («Poppa-Lars») (1973–), hip-hop-artist i Tungtvann
• Odd Børre Sørensen («Rocke-Børre»), popsongar
• Reidar Thomassen («Richard Macker») (1939–), forfattar
• Tove Veierød (1940–), politikar, sosialminister
• Unni Wikan (1944–), professor i sosialantropologi

Verdt å sjå

Trondenes kyrkje (Foto: Clemensfranz, 2005)

• Trondenes kyrkje frå ca 1250
• Harstad kyrkje frå 1958
• Harstad kulturhus
• Trondarnes Distriktsmuseum
• Trondenes Historiske Senter
• Altevågen
• Røkenes Gård
• Sandtorgholmen
• Adolfkanonen

Utanfor Wikipedia

• Harstadportalen
• Kart over Harstad kommune
• Harstad Tidende
• Kommunefakta (Troms) - frå Statistisk sentralbyrå
• Harstad kommune sine heimesider

Andre prosjekt

Commons har multimedia som gjeld: Harstad kommune

Fotnotar

Denne geografiartikkelen er ei spire. Du kan hjelpe Nynorsk Wikipedia gjennom å utvide han.