Golden retriever

Frå Wikipedia – det frie oppslagsverket
Gå til: navigering, søk
Golden retriever.
Foto: TSM & Barbara Keller
Hoppande golden retriever.
Foto: Jerry Reynolds

Golden retriever er ein hunderase av retrievertype. Han er ein stor hund med tjukk, gyllen pels og hengande øyre. Golden retriever oppstod som ein fuglehund i Storbritannia på 1800-talet. Han er mykje brukt både som brukshund og kjæledyr.

Skildring[endre | endre wikiteksten]

Pelsen er lettkjenneleg gjennom sin gylne farge, i sjatteringar frå djup gyllen til fløytefarga, og kan vera glatt eller lett bølgja. Han har brei skalle, kraftig snute og hengande øyre. Hannhundar har ei mankehøgd på ca. 56–61 cm medan tisper ligg på ca. 51–56 cm. Vekta ligg på ca. 30–35 kg hjå hannane og 25–30 kg hjå tispene.

Golden retriever er kjend som ein stødig, sjølvsikker og vennleg hund. Hundane har høgt aktivitetsnivå og treng mykje mosjon. Dei er rekna som særs intelligente og trenbare, og kan lett lærast opp til jaktapport, agility, dressur, som blindehund og lavinehund. Golden retriever har også gode symjeevne. Dei er også særs barnevennlege, og er populære familiehundar. Golden retriever egner seg derimot ikkje som vakthund, ettersom dei er vennlege også mot ukjende.

Apporterande goldenretrievervalp.

Historie[endre | endre wikiteksten]

Golden retriever blei avla fram av Baron Tweedmouth på landeigedommen hans i Skottland. Det som skulle bli ein god apporthund, tilpassa storskala fuglejakt med moderne skytevåpen, blei til gjennom kryssingar av wavy-coated retriever (no flatcoated retriever) og ein spanieltype som ikkje finst lenger, tweed water spaniel. I avlsarbeidet blei det også nytta irsk setter, blodhund og St. John's water dog frå Newfoundland.

Helse[endre | endre wikiteksten]

Golden retriever er diverre ikkje kjend for å vere ein sunn hunderase. Gjennomsnittleg levealder er 10-15 år, med kreft som den vanlegaste dødsårsaka. Andre helseplager som albueledds- og hoftedysplasi og grå stær er vanlege. Utbreidd ukritisk avl med stor grad av innavl og der ein ikkje tek omsyn til slike plager kan ha mykje av skulda for helsestoda.

Kjelder[endre | endre wikiteksten]

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Golden retriever
Spire Denne dyreartikkelen er ei spire. Du kan hjelpe Nynorsk Wikipedia gjennom å utvide han.