Great Blasket Island

Frå Wikipedia – det frie oppslagsverket
Gå til: navigering, søk
Great Blasket Island
Lokalt namn: An Blascaod Mór
Forlatte hus på Great Blasket Island
Forlatte hus på Great Blasket Island
Geografi
Great Blasket Island is located in
Stad Atlanterhavet
Koordinatar 52°06′N 10°32′WKoordinatar: 52°06′N 10°32′W
Øygruppe Blasketøyane
Høgaste punkt Croaghmore (292 moh.)
Administrasjon
Land Irland
Grevskap Kerry
Demografi
Folketal 0

Great Blasket (An Blascaod Mórirsk) er den største av Blasketøyane i County Kerry i Republikken Irland.

Geografi[endre | endre wikiteksten]

Øya ligg om lag 2 km frå fastlandet ved Dunmore Head, og strekkjer seg 6 km sørvestover. Croaghmore er det høgaste punktet på øya med 292 meter over havet. Den næraste byen på fastlandet er Dunquin og det går båtar frå her til øya om sommaren.

Historie[endre | endre wikiteksten]

Øya var busett fram til 1953 då den irske regjeringa avgjorde at dei ikkje lenger kunne garantere for tryggleiken til innbyggjarane. Tre irske forfattarar har budd her: Tomás Ó Criomhthain, Peig Sayers og Muiris Ó Súilleabháin. Dei høyrer til tre ulike generasjonar og har alle skrive sjølvbiografiar. Slik har ein eit godt bilete av korleis livet på øya var frå midten av 1800-talet til rundt 1920. Dei skreiv alle på irsk, bøkene er omsett engelsk og andre språk. Heimane til Tomás Ó Criomhthain og Muiris Ó Súilleabháin er i dag ruinar, men huset til Sayers er vorte restaurert og var tidlegare ein del av eit ungdomsherberge.

Eigarskap[endre | endre wikiteksten]

Ungdomsherberget og kaféen som ein gong vart driven på øya er no stengd. Dette kjem av ein krangel mellom den irske staten, som ynskjer å gjere øya om til ein nasjonalpark, og ein person som gjer krav på store delar av øya.

Kjelde[endre | endre wikiteksten]