Insula Mare a Brăilei

Frå Wikipedia – det frie oppslagsverket
Gå til: navigering, søk

Insula Mare a Brăilei (tidlegare Balta Mare a Brăilei) er ei øy i Donau i Brăila fylke i Romania. Ho er om lag 60 km lang og 20 km brei. Dei to elvegreinene som skil øya frå fastlandet heiter Măcin og Cremenea.

I dag er eit areal på 681,3 km² (94,6 % av arealet til øya) dekt av jordbruksterreng, der 70,84 km² er kunstig vatna og verna av eit 23,5 km langt dike. På øya er det to kommunar, Frecăţei og Măraşu, som har om lag 5000 innbyggjarar.

Øya var tidlegare dekt av myrområde før kommunsistregimet i Romania nytta tvangsarbeid og politiske fangar til å byggje dika og omforme øya til eit jordbruksområde. Det var fem «arbeidsleirar» ved Grădina, Lunca, Salcia, Stoieneşti og Strâmba Veche. Terrenget viste seg å vere dyrkbart og prosjektet vart erklært «ein suksess for kommunismen i Romania».

Kjelder[endre | endre wikiteksten]