Jenny Jenssen
| Jenny Jenssen | |||
| Fødd | 22. februar 1964 (60 år) | ||
|---|---|---|---|
| Fødestad | Bjerkvik | ||
| Opphav | Noreg | ||
| Instrument | vokal | ||
| Verka som | songar, plateartist | ||
Jenny Jenssen (fødd 22. februar 1964 i Bjerkvik) er ein norsk vokalist og artist/entertainar. Ho er kjend både som frontfigur i gruppa Septimus, soloartist og frå 2019 programleiar i radiokanalen P10 Country[1]. Ho har drive utstrakt turnéverksemd i Noreg og har opptredd i TV og på radio ved fleire høve, blant anna i feelgoodprogrammet Fem folkekjære fra Momarkedet. Jenssen deltok i den norske finalen i Melodi Grand Prix i 2007 og i delfinalen 2020. Jenssen har selt over 300 000 plater, motteke éi dobbel platinaplate og fire gullplater.
Jenssen har vore med i draumekoret til Bettan og sunge duett med Bjarte Hjelmeland. I 2007 debuterte Jenssen som skodespelar i TV-serien Willys jul.
I 2010 var Jenssen med i Maestro på NRK1. Våren 2011 deltok Jenssen og familien i programmet Charterfeber – Kjentfolk på tur på TV3. Hausten 2012 var Jenssen deltakar i Stjernekamp på NRK1. I mars 2013 var ho igjen å sjå som deltakar i 4-stjerners middag saman med Jannecke Øinæs, Beint Høie og Assad Arif.
Hausten 2014 feira Narvik Kulturhus Jenssen med festtilstellinga 50 år i livet – 40 år på scenen.
Diskografi[endre | endre wikiteksten]
Med Septimus[endre | endre wikiteksten]
- Septimusikk 4 (Columbia) 1991
- Septimusikk 5 (Columbia) 1993
- Min sang (Tylden) 1995
- Fri (Tylden) 1997
- Våre aller, aller bæste (Tylden) 1999
- 12 rette (Tylden) 2001
- Det beste av det meste – Septimus 40 år (Pinadø) 2011
Utgjevingar som soloartist[endre | endre wikiteksten]
- Det e mannfolk nok (Tylden) 1998
- Pinadø (Showtime Records) 2003
- Blå rose (Showtime Records 2003)
- Jennys jul (Pinadø) 2004
- Frihet (Pinadø) 2006
- De beste fra Jenny (Pinadø) 2007
- Fint vær (Pinadø) 2009
- From Our Hearts (Pinadø) 2010 med Åre Benoni
- Det beste av det meste – Septimus 40 år (Pinadø) (2011)
- «Mr. Hello» (singel, MGP-låt) (Pinadø) (2020)
Referansar[endre | endre wikiteksten]
- ↑ «Jenny Jensen: Blir programleder». Vefsn: Helgelendingen. 11. januar 2019. s. 28.
- Denne artikkelen bygger på «Jenny Jenssen» frå Wikipedia på bokmål, den 26. november 2021.