Juan Alberto Schiaffino
.jpg) Juan Alberto Schiaffino i 1960 | |||
| Fødd | 28. juli 1925 | ||
|---|---|---|---|
| Fødestad | Montevideo | ||
| Død | 13. november 2002 | ||
| Dødsstad | Montevideo | ||
Juan Alberto Schiaffino Villano (28. juli 1925–13. november 2002) var ein uruguayansk-italiensk fotballspelar frå Montevideo som vart verdsmeister i 1950 med Uruguay. Han var elles ein særs kreativ spelstyrar frå sin posisjon som indreløpar i Penarol og seinare på AC Milan. Schiaffino vert rekna som tidenes beste uruguaynske fotballspelar.
Uruguay[endre | endre wikiteksten]
Schiaffino debuterte på Penarol i 1943. Perioden 1949-54 var han med å vinne fire seriemeisterskap med laget frå heimbyen. Han fekk sin landslagsdebut i 1946 og spelte alle Uruguays fire kampar under Fotball-VM 1950 i Brasil. I den siste og avgjerande kampen mot vertslandet Brasil skåra han det fyrste av Uruguays to mål i ein kamp som enda med siger 2-1 og Urugyas andre VM-tittel. I 1954 deltok han under verdsmeisterskapen i Sveits der han spelte sin 21. og siste landskamp og skåra sitt 8. og siste landslagsmål i kvartfinalen mot England. Meisterskapen enda med at Uruguay tapte bronsekampen mot Austerrike 1-3.
Italia[endre | endre wikiteksten]
Frå hausten 1954 til 1960 spelte Schiaffino på det italienske storlaget AC Milan, eit lag han vann tre ligameisterskap med. Perioden 1954-58 spelte han fire landskampar for Italia, grunngjeve med at farfaren var ein utvandrar frå Liguria. I 1960 gjekk han over til AS Roma. Han la opp i 1962.
Sidan flytta han heim til Montevideo.
Merittar[endre | endre wikiteksten]
- Verdsmeister: 1950 med Uruguay
- Uruguaynsk seriemeister: 1949, 1951, 1953 og 1954 med Penarol
- Italiensk seriemeister: 1955, 1957 og 1959 med AC Milan
Kjelder[endre | endre wikiteksten]
- Denne artikkelen bygger på «Juan Alberto Schiaffino» frå Wikipedia på engelsk, den 15. juni 2018.
 | ||
| ||