Juhani Järvinen

Juhani Järvinen
Statsborgarskap	Finland
Fødd	9. mai 1935 Tuulos
Død	31. mai 1984 (49 år) Helsingfors
Yrke	skøyteløpar
Juhani Järvinen på Commons

Jouko Juhani Järvinen (9. mai 1935–31. mai 1984) var ein finsk skeiseløpar frå Tuulos. Han vart verdsmeister i 1959, og nummer to i EM same sesongen.

Järvinen tevla internasjonalt frå 1954 til -64. Under Vinter-OL 1956 deltok han på alle fire distansane, der fjerdeplassen på 1500 m vart hans beste plassering.

I 1959-sesongen var Järvinen i sitt livs beste form. Ved EM i Göteborg vart han andremann etter norske Knut Johannesen, slått med vel 0,322 poeng. To veker seinare steig han heilt til topps då VM 1959 i Oslo var over, landsmannen Toivo Salonen syrgde for finsk dobbeltsiger. Den 1. mars same seongen forbetra han verdsrekorden på 1500 m med over to sekundar under prøveleikane i Squaw Valley. Rekordtida 2.06,3 vart ståande i sju år til ho vart slått av nederlendaren Ard Schenk.

Järvinen avslutta tida på skøytebana i 1964, då han mellom anna vart nummer ni i skeise-VM på finsk heimebane. Han døydde i Helsinki, 49 år gammal.

Kjelder

• Denne artikkelen bygger på «Juhani Järvinen» frå Wikipedia på nederlandsk, den 15. november 2016.