Kent Music Report
Kent Music Report var ei vekentleg hitliste over musikksingel og musikkalbum i Australia. Lista vart sett saman av musikkentusiasten David Kent frå mai 1974 til 1988. I 1983 lisensierte musikksamskipnaden Australian Recording Industry Association Kent Music Report, og i juni 1988 etablerte samskipnaden si eiga hitliste, kalla ARIA Charts.[1] Kent Report heldt likevel fram, og frå 1987 vart lista omdøypt til Australian Music Report (AMR). AMR heldt fram å publisera vekentlege hitlister, men i april 1998 opphøyrde lista, og ARIA Charts vart dermed den einaste nasjonale hitlista i Australia.
Før Kent Report oppstod i 1974, hadde magasinet Go-Set utgjeve ei topp 40-singelliste frå 1966 og ei albumliste frå 1970. Begge listene opphøyrde likevel då Go-Set gjekk inn i august 1974.[2]
David Kent produserte seinare hitlister for Australia for åra 1940–1973. Detta gjorde han ved å henta inn spelelister, mindre hitlister og informasjon frå radiokanalar over heile landet. Desse sette han så saman til ei nasjonal hitliste.
Sjå òg[endre | endre wikiteksten]
Kjelder[endre | endre wikiteksten]
- Denne artikkelen bygger på «Kent Music Report» frå Wikipedia på bokmål, den 14. juni 2020.
- ↑ Daniel Lowe. «Australian Chart History». Arkivert frå originalen 4. april 2008.
- ↑ «GO-SET Magazine - Australian singles and album charts, 1966-1974». Poparchives.com.au. Arkivert frå originalen 12. februar 2013. Henta 24. mai 2016.