Kjell Hovik

Kjell Hovik
Statsborgarskap	Noreg
Fødd	20. august 1937 (86 år)
Idrett	friidrett

Kjell Hovik (fødd 20. august 1937) er ein norsk tidlegare friidrettsutøvar frå Trondheim som tevla i stavhopp. Han var bestemann i øvinga i Noreg i perioden 1959-64, då han vann seks rake NM-gull og forbetra den norske rekorden 12 gongar.

Aktiv

Hovik, som var medlem av SK Freidig, tok NM-medaljar i stavhopp i ni år på rad. Etter to sølvmedaljar og ein bronsemedalje opna han i 1959 ei sigersrekke som varte til han la opp i 1964. Den 12. juli 1960 forbetra han på Bislett stadion den tolv år gamle norske stavrekorden tilhøyrande Erling Kaas med ein centimeter til 4,32 m. Gjennom fem veker i juni/juli 1961 forbetra han noregsrekorden fire gongar, til 4,35 – 4,40 – 4,45 og sist 4,47 m. 3. juli 1962 svinga han seg over 4,50 m på Bislett, før han to månader seinare klarde 4,53 m heime i Trondheim. Rekordforbetringa heldt fram i juli, august og september månad 1963 med hopp på 4,55 – 4,60 (NM i Trondheim) – 4,62 og 4,65 m. Sin tolvte og siste rekord sette Hovik 3. juli 1964 i Trondheim då han tok seg over 4,70 m. Denne rekorden stod til Reidar Aarskog i 1973 flytta den til 4,81 m.

Hovik representerte Noreg i 30 landskampar.

Medaljar i norske meisterskap

• 1956 i Stavanger: Sølvmedalje i stavhopp – 3,70 m, bak Hermund Høgheim
• 1957 i Bergen: Sølvmedalje i stavhopp – 4,00 m, bak Hermund Høgheim
• 1958 i Trondheim: Bronsemedalje i stavhopp – 3,80 m
• 1959 på Hamar: Gullmedalje i stavhopp – 4,15 m, framom Hermund Høgheim
• 1960 i Sarpsborg: Gullmedalje i stavhopp – 4,10 m, framom Hermund Høgheim
• 1961 i Bergen: Gullmedalje i stavhopp – 4,35 m, framom Reidulv Førde
• 1962 i Drammen: Gullmedalje i stavhopp – 4,35 m, framom Reidulv Førde
• 1963 i Trondheim: Gullmedalje i stavhopp – 4,60 m, framom Reidulv Førde
• 1964 i Gjøvik: Gullmedalje i stavhopp – 4,60 m, framom Reidulv Førde

Kjelder

• Magnus Breili: Sport i navn & tall. 1971
• friidrett.no