Kukawa
Kukawa | |||
Land | Nigeria | ||
---|---|---|---|
Stat | Borno | ||
Areal | 4 842 km² | ||
Folketal | 203 343 (21. mars 2006)[1] | ||
Kukawa 12°55′29″N 13°33′58″E / 12.924722222222°N 13.566111111111°E | |||
Wikimedia Commons: Kukawa | |||
Kukawa er ein by og eit Local Government Area i Nigeria, i den nordaustlege staten Borno. Han ligg i nærleiken av Tsjadsjøen.
Byen blei grunnlagd i 1814 som hovudstad for Kanem-Bornu-riket av den muslimske lærde og krigsherren Muhammad al-Amin al-Kanemi etter at den føre hovudstaden, Ngazargamu, fall.[2] Byen hadde stor strategisk tyding som ein av dei sørlege endestadane for den transsahariske handelsruta til Tripoli.[3]
I 1851 vitja den tyske utforskaren Heinrich Barth byen. Han hadde kome frå Tripoli for å forsøka å opna handel med Europa og utforska Afrika.[2] I 1892 vitja den franske utforskaren Parfait-Louis Monteil byen, på fransk og britiske oppdrag om å utforska grensene mellom ulike område i Vest-Afrika.[4] Byen blei hærteken og rasert i 1893 av den sudanske krigsherrene Rabih az-Zubayr, og deretter av britiske styrkar i 1902.
Historisk var byen mykje større enn i dag. Seint på 1800-talet rekna britane med at han hadde 50 000-60 000 innbyggjarar. I dag omfattar Kukawa Local Government Area byane Cross Kauwa og Baga. Området er eit av seksten Local Government Area som utgjer Borno-emiratet, ein tradisjonell stat i Borno.[5]
I 2015 blei mange innbyggjarar i området fordrivne til Maiduguri gjennom massakren i Baga utført av islamistiske opprørarar.[6] 30. juni og 1. juli 2015 utførte Boko Haram ein ny massakre i Kukawa og drap 97 menneske.[7]
I august 2020 blei hundrevis av innbyggjarar i Kukawa tekne til fange og haldne som gislar av Islamic State West Africa Province (ISWAP). To millionar menneske i Borno er blitt fordrivne frå heimane sine dei siste ti åra; mange bur i dårlege tilhøve i Maiduguri.[8]
Kjelder[endre | endre wikiteksten]
- ↑ 1,0 1,1 1,2 1,3 https://www.citypopulation.de/php/nigeria-admin.php?adm2id=NGA008017.
- ↑ 2,0 2,1 Kemper, Steve (2012). Labyrinth of Kingdoms: 10,000 Miles Through Islamic Africa. New York: W. W. Norton. s. 137–152. ISBN 978-0-393-07966-1.
- ↑ J. D. Fage, red. (1985). The Cambridge History of Africa, Volume 6. Cambridge University Press. s. 16. ISBN 9780521228039. Henta 3. juni 2014.
- ↑ Emil Lengyel (March 2007). Dakar - Outpost of Two Hemispheres. READ BOOKS, 2007. s. 170ff. ISBN 978-1-4067-6146-7. Henta 11. oktober 2010.
- ↑ Nigeria (2000). Nigeria: a people united, a future assured. 2, State Surveys (Millennium utg.). Abuja, Nigeria: Federal Ministry of Information. s. 106. ISBN 9780104089.
- ↑ Hamza Idris and Yahaya Ibrahim. Nigeria: CBN, Nema Reach Out to Baga Attack Victims, Others. Daily Trust - allAfrica.com, January 16, 2015
- ↑ «Nigeria Boko Haram crisis: Militants 'kill 150'». BBC News (på engelsk). 2. juli 2015.
- ↑ «Nigerian army says 'in full control' of town where hostages taken». www.aljazeera.com. Henta 20. august 2020.
- Denne artikkelen bygger på «Kukawa» frå Wikipedia på engelsk, den 22. april 2021.