Malla Moe

Malla Moe
Malla Moe ca. 1916, frå Fylkesarkivet i Sogn og Fjordane.
Statsborgarskap	USA
Fødd	12. september 1863
Død	16. oktober 1953 (90 år)
Yrke	misjonær
Malla Moe på Commons

Petra Malena «Malla» Moe (12. september 1863–16. oktober 1953) var ein norsk-amerikansk misjonær i Afrika.

Frå USA til det sørlege Afrika

Malla Moe vart fødd på garden Moe i Hafslo. Etter at både faren, gardbrukar Claus Rumohr, og mora, Brita døydde, flytta ho saman med veslesystera Dortea til Chicago der systera Karin budde. Moe fekk kontakt med eit protestantisk misjonsselskap som på den tida heitte Scandinavian Alliance Mission (seinare The Evangelical Alliance Mission - TEAM). Dei sende ho til Swaziland i det sørlege Afrika som misjonær i 1892.

Swaziland

Malla Moe kom til Swaziland utan verken utdanning eller erfaring, men ho gjorde eit sterkt inntrykk. Ho budde saman med dei innfødde og lærde språket deira.

Moe var misjonær i Swaziland fram til ho døydde 90 år gamal. Ho var aktiv til det siste, men siste tida vart det vanskelegare for Moe å reise rundt til fots, så då fekk ho bygd ei husvogn som vart kalla Evangelievogna. Ho reiste rundt med seks hjelparar og tok imot folk i husvogna. Kong Sobhuza II av Swaziland vitja på eit tidspunkt Moe si Evangelievogn.

Den britiske høgkommisæren i Swaziland, Ainsworth-Dickson, har sagt: «Om me er kvite eller svarte, rike eller fattige, lærde eller ulærde, betraktar med Malla Moe som den mest fremragande misjonær i Afrika.»

Hafslo

Det var ikkje bedehus på Hafslo på denne tida. Men Malla Moe som var vand med å samle inn pengar til misjonsarbeid fekk brørne heime til å donere tomt og tømmer, og bedehuset vart bygd på dugnad og stod ferdig hausten 1922.

16. september 2012 vart ein minnestein over Malla Moe avduka ved bedehuset på Hafslo.

Ivar Kvalen, ordførar i Luster, avdukar minnensteinen over Malla Moe. Til venstre står Anders Alme

Kjelder

• Kulturhistorisk leksikon. Kleppa, Hermund (2012) Malla Moe-minnesteinen på Hafslo
• Solem, Susanna Lomheim (2012) Søknad om tildeling av midlar i samband med utgjeving av boka "Malla Moe - Størst av alt er kjærleiken"
• Kleppa, Hermund (2006) Amerikanske misjonærar frå Sogn - på frimerke i Afrika
• Kvinnestemmer frå Sogn og Fjordane: Malla Moe Arkivert 2014-07-16 ved Wayback Machine.
• Papers of Petra Malena "Malla" Moe Arkivert 2005-11-19 ved Wayback Machine. ved Billy Graham Center-arkiva
• ccminternational.org
• Nettstaden til The Evangelical Alliance Mission: Our history Arkivert 2013-07-26 ved Wayback Machine.
• Amledal, Kirsten Anny, Sogndal Kyrkjelydsblad, juni 2012, s. 10-11. Malla Moe - størst av alt er kjærleiken

Bakgrunnsstoff

Commons har multimedium som gjeld: Malla Moe

Litteratur

• Per Hilleren. Adresse Afrika : Malla Moe - en eventyrskikkelse. Oslo : Ansgar 1966
• Dorothy Martin. Malla Moe og gospelvogna. Oslo : Ansgar 1985
• Susanna Lomheim Solem. Malla Moe - størst av alt er kjærleiken : en biografi. [Bergen] : Diktavia 2011
• Maria Nilsen og Paul Sheetz: Malla Moe. The Moody Bible Institute of Chicago 1956.