Nanna Michelet
| Nanna Michelet | |
| Statsborgarskap | Noreg |
| Fødd | 16. juni 1894 Oslo kommune |
| Død |
5. februar 1967 (72 år) |
| Yrke | agronom |
| Far | Simon Michelet |
| Mor | Marie Michelet |
Nanna Michelet (16. juni 1894–5. februar 1967) var ein norsk agronom og sosialarbeidar.
Bakgrunn[endre | endre wikiteksten]
Nanna Michelet var dotter av kvinnesaksforkjemparen Marie Michelet og teologiprofessoren Simon Michelet. Ho var kalla opp etter mormora si Nanna Storjohann.[1] Både mormora og foreldra hennar var tilhengjarar av at kvinner skulle ta del i samfunnslivet, og var alle tre aktive innan velgjerdsarbeid og avhaldsrørsla.
Michelet hadde to systrer: Den eldre Bolette (Bodhild) Christine og den yngre Julie (Caroline Julie Magdalene). Bolette gifta seg i 1912 med den tyske presten Theodor Eduard Burkhardt og flytta til Tyskland. Julie Michelet blei tilsett ved The Art Institute of Chicago i 1925, og i 1931 opplyste jubileumsskriftet som blei gjeve ut i anledning 50-årsjubileet for studentkullet til faren, at Julie då hadde stillinga som «Keeper of Muhammedan Art» ved museet.[2]
Utdanning[endre | endre wikiteksten]
Michelet studerte ved Landbrukshøgskolen på Ås, og blei i 1916 den fyrste kvinnelege landbrukskandidaten i Noreg.[3]
Sosialarbeid[endre | endre wikiteksten]
Faren til Michelet grunnla i 1920 det såkalla «Studentersettlementet» i Fossgården på Grünerløkka i dåverande Kristiania.[4][5] I 1924 gjekk Nanna inn som leiar for Studentersettlementet.[6]
Bibliografi (utval)[endre | endre wikiteksten]
- Christian Müller : 17.4.1904 - 8.2.1933, Oslo (1934): et minneskrift om sosialarbeideren Christian Müller
Prisar og utmerkingar[endre | endre wikiteksten]
I 1964 blei Nanna Michelet tildelt Kongens fortenestemedalje i gull for sitt arbeid som settlementsleiar.[7]
Kjelder[endre | endre wikiteksten]
- ↑ «Nanna Storjohann». Norsk biografisk leksikon (på norsk) (snl.no). Henta 24. april 2017.
- ↑ «Michelet, Simon». Studentene fra 1881: fest- og minneskrift ved 50-års studenterjubileet 1931. Nationaltrykkeriet. 1931. s. 85.
- ↑ «Michelet, Simon». Studentene fra 1881: fest- og minneskrift ved 50-års studenterjubileet 1931. Nationaltrykkeriet. 1931. s. 85.
- ↑ «Michelet, Simon». Studentene fra 1881: fest- og minneskrift ved 50-års studenterjubileet 1931. Nationaltrykkeriet. 1931. s. 85.
- ↑ «Michelet, Simon». Studentene fra 1881: fest- og minneskrift ved 50-års studenterjubileet 1931. Nationaltrykkeriet. 1931. s. 83. «I 1920 fikk jeg grunnlagt studentersettlementet Fossgården.»
- ↑ «Michelet, Simon». Studentene fra 1881: fest- og minneskrift ved 50-års studenterjubileet 1931. Nationaltrykkeriet. 1931. s. 85.
- ↑ «Tildelinger av ordener og medaljer - Det norske kongehusets barnesider». www.kongehusetsbarnesider.no (på norsk). Henta 24. april 2017. «Nanna Michelet»
- Denne artikkelen bygger på «Nanna Michelet» frå Wikipedia på bokmål, den 10. mars 2024.