Ozias Leduc
| Ozias Leduc | |
 | |
| Statsborgarskap | Canada |
| Fødd | 8. oktober 1864 Mont-Saint-Hilaire |
| Død |
16. juni 1955 (90 år) |
| Yrke | kunstmålar |
| Medlem av | Royal Canadian Academy of Arts |
| Ozias Leduc på Commons | |
Ozias Leduc (8. oktober 1864–16. juni 1955) var ein kanadisk kunstnar som var ein av dei tidlege målarane i Quebec. Han måla hovudsakleg portrett, stilleben og landskap, i tillegg til religiøse arbeid.
Liv[endre | endre wikiteksten]
_-_La_Liseuse.png)
Leduc var fødd i Saint-Hilaire-de-Rouville, i dag Mont-Saint-Hilaire i Montérégie i Quebec. Han var son av ein snikkar og var del av ein syskenflokk på 10.
Leduc var hovudsakleg sjølvlært som målar. Rundt 1880 arbeidde han med ein italiensk målar, Luigi Cappello, på kyrkjedekorasjonar. Rundt 1881, blei han tilsett ved Carli, ein statuemakar i Montreal. Rundt 1883 arbeidde han saman med Adolphe Rho for å dekorera ei anna kyrkje, denne i Yamachiche. Etter dette byrja han å arbeida åleine på kyrkjedekorasjonar.
I 1897 vitja Leduc Paris og London på ein kort tur saman med Marc-Aurèle de Foy Suzor-Coté. Her blei han påverka av impresjonismen og kanskje endå meir av symbolismen.
I heimbyen levde Leduc eit tilbaketrekt liv, og blei kalla vismannen i St-Hilaire.[a] Men han var slett ikkje avskoren frå den fransk-kanadiske intelligentsiæn, og hadde kontakt med forfattarar som Arsène Bessette, Guy Delahaye, Olivier Maurault, Ernest Choquette, Rodolphe Duguay, Albert Tessier, diktarar som Marcel Dugas, Léo-Paul Morin, René Chopin og Robert de Roquebrune, arkitektane Louis-Napoléon Audet og Ernest Cormier og politikarane Louis-Philippe Brodeur og Philippe-Auguste Choquette[1]
Han blei tildelt eit æresdoktoat frå Université de Montréal i 1938. Han blei også medlem av Royal Canadian Academy of Arts.[2] Han var ein lærar for kunsntarane Paul-Émile Borduas og Gabrielle Messier.
Ozias Leduc døydde i Saint-Hyacinthe i 1955.
Verk[endre | endre wikiteksten]
Gjennom karrieren sin dekorerte Leduc over 30 kyrkjer og kapell i Quebec. Han er best kjend for dekorasjonsarbeidet sitt i kyrkja Notre-Dame-de-la-Présentation i Shawinigan, eit prosjekt det tok han tretten år å fullføra.[3]
Leduc tok også fleire portrettoppdrag, mellom anna for familien Choquette, som han laga 3 måleri for med inspirasjon frå det landlege landskapet i Montérégie.[4] Landskapsmåleria hans frå 1913-1921, særleg Cumulus bleu, Fin de journée, Effet gris (neige), Pommes vertes, Neige dorée og L'Heure mauve, og teikningar i serien Imaginations (1936-1942), er rekna som nokre av dei viktigaste frå karrieren hans.[3]
Omdøme[endre | endre wikiteksten]
Etter at han døydde er berka hans blei stilte ut fleire gonger ved galleriet L'Art français.[5]
20. mai 1988 gav Canada Post ut frimerket The Young Reader, Ozias Leduc, 1894 i serien Masterpieces of Canadian art. Frimerket var utforma av Pierre-Yves Pelletier etter måleriet The Young Student (1894) av Leduc. Måleriet viser Ozias Leduc sin yngre bror som sit over ei bok med ein blyant i handa.[6]
Kyrkja Notre-Dame-de-la-Présentation i Shawinigan blei utnemnd til eit nasjonalt kulturminne (National Historic Site of Canada) i 2004.[7][8]
Galleri[endre | endre wikiteksten]
-
Stilleben med bøker og forstørringsglas, 1919-1929 -
La Gloire Divine (1944-1947) i Notre-Dame-de-la-Présentation i Shawinigan -
Kyrkja Saints-Anges-Gardiens, dekorert av Ozias Leduc.
Merknadar[endre | endre wikiteksten]
- ↑ «le sage de St-Hilaire»
Kjelder[endre | endre wikiteksten]
- ↑ Jean-Mathieu Nichols, «Ozias Leduc et son réseau artistique», L'Œil régional, 27 août 2005, p.45
- ↑ «Members since 1880». Royal Canadian Academy of Arts. Arkivert frå originalen 26. mai 2011. Henta 11 September 2013.
- ↑ 3,0 3,1 Leduc, Ozias, arkivert frå originalen 30. september 2007, henta 22. oktober 2017
- ↑ Laurier Lacroix (sous la direct. de), Ozias Leduc. Une œuvre d'amour et de rêve, Montréal, Musée des Beaux-Arts de Montréal, 1996,p.291
- ↑ Paul Gladu, "À la Galerie l'Art français...Comme notre vie nationale a peu inspiré nos peintres!" dans Le petit journal, 27 décembre 1964, p. A-28, "En visitant (...) la Galerie L'Art français (...) voici un ensemble riche et varié. Des anciens, (...) Ozias Leduc"
- ↑ Canada Post stamp, arkivert frå originalen 22. oktober 2017, henta 22. oktober 2017
- ↑ Church of Notre-Dame-de-la-Présentation, National Historic Site of Canada
- ↑ «Church of Notre-Dame-de-la-Présentation», Canadian Register of Historic Places\accessdate=19. mars 2012
- Denne artikkelen bygger på «Ozias Leduc» frå Wikipedia på engelsk og Ozias Leduc» frå Wikipedia på fransk, den 22. oktober 2017.
Bakgrunnsstoff[endre | endre wikiteksten]
Bilde og galleri[endre | endre wikiteksten]
- Gallery Arkivert 2010-06-06 ved Wayback Machine. from the Canadian government's Cybermuse Arkivert 2010-06-06 ved Wayback Machine. project.
- God Go With You[daud lenkje] from the Mackenzie Art Gallery Arkivert 2004-08-11 ved Wayback Machine..
- Still-life, Study by Candlelight Arkivert 2005-12-01 ved Wayback Machine..
- Boy with Bread Arkivert 2005-12-01 ved Wayback Machine..
- The Young Student Arkivert 2005-12-01 ved Wayback Machine. (also known as The Young Reader).
Informasjon[endre | endre wikiteksten]
- Short biography ved Musée National des Beaux-Arts du Québec.
- Very short biography ved virtualmuseum.ca sitt Horizons-prosjekt.
- Kort biografi Arkivert 2004-09-05 ved Wayback Machine. ved Elliott Louis Gallery.
- Biografi og informasjon om The Young Reader Arkivert 2004-08-13 ved Wayback Machine. ved Fisheries and Oceans Canada related to a stamp displaying that painting.
- Presentasjon Arkivert 2011-07-06 ved Wayback Machine. om Ozias Leduc og arbeidet hans ved Notre-Dame-de-la-Présentation.
Kritikk og tolking[endre | endre wikiteksten]
- An interview on Leduc Arkivert 2004-08-12 ved Wayback Machine. with Laurier Lacroix, professor of art history at the Université du Québec à Montréal, by Compass Arkivert 2004-08-04 ved Wayback Machine. (a "Jesuit Journal").
- An article Arkivert 2004-08-18 ved Wayback Machine. (in French) by Michel Clerk about Leduc's contributions to public life.
- The Chapel of the Bishop's Palace in Sherbrooke: Some Preparatory Sketches by Ozias Leduc Arkivert 2009-06-07 ved Wayback Machine. (in French), by Laurier Lacroix. Also available: a summary Arkivert 2009-04-06 ved Wayback Machine. in English.
- The Preparatory Drawings for the Decoration of the Baptistry of Notre-Dame Church Montreal Arkivert 2009-05-19 ved Wayback Machine. (in French), by Jean-René Ostiguy. Also available: a summary Arkivert 2011-07-06 ved Wayback Machine. in English.
- L'oeuvre déchue Arkivert 2001-09-10 ved Wayback Machine. (in French), by Stéphane Baillargeon, on Ozias Leduc and the Saints-Anges de Lachine church.