Metroen i Paris

	Métro de Paris
Opna	19. juli 1900
Drift
Eigar	RATP
Sporlengde	214 km
Stasjonar	300
Passasjertal	3,9 mill. dagleg
Vognmateriell

Parismetroen er tunnelbanen i den franske hovudstaden Paris. Banen var opphavleg kjent under namnet Chemin de Fer Métropolitain ('storbyjernbane') og deretter Métropolitain, som raskt vart forkorta til Métro. Parismetroen er den tredje lengste i Vest-Europa, etter undergrunnsbanane i London og Madrid.

Systemet består av 16 linjer, nummererte frå 1 til 14, med tillegg av to korte linjer kalla «3bis» og «7bis», danna som sidebanar med utspring i linje 3 og 7.

Stasjonen Madeleine på linje 12.

Tog på linje 1.

Tekniske data [endre]

Gummihjul på somme av linjene gjer dei stillegåande.

213 km skjener, meir enn 300 stasjonar
høgrekøyring
kvar linje har eigne plattformer, sjølv på stasjonar der ein har overgang til andre linjer
alle tog stansar ved alle stasjonane på linja
sporvidda er 1,435 m (normalspor), akkurat som toga på det franske hovudbanenettet. Derimot er vognene smalare, så metroen kan køyre på hovudbanenettet, men ikkje omvendt
elektrisk kraft blir henta frå ei strømskjene. Spenninga er 750 V DC
gjennomsnittleg avstand mellom stasjonane er ca. 300 m
linje 1, 4, 6, 11 og 14 køyrer på gummihjul
linje 14 er førarlaus (heilautomatisk drift)
lengda på toga varierer frå linje til linje (3 til 6 vogner er vanleg) avhengig av mengda av passasjerar. Alle tog på same linje har alltid like mange vogner

Ein enkeltbillett gjev reisande så mange overgangar dei vil innan ein to-timarsperiode. Toga går frå ca. fem om morgonen til klokka eitt om natta, heile året.

Metrosystemet vart komplementert med eit nettverk av forstadsbanar RER (Réseau Express Régional), frå 1970-talet.

Linjeoversikt [endre]

Linjeoversikt for metroen i Paris
	Opna	Lengde	Stasjonar
La Défense - Grande Arche ↔ Château de Vincennes	1900	16,5 km	25
Porte Dauphine ↔ Nation	1900	12 km	25
Pont de Levallois - Bécon ↔ Gallieni	1904	12 km	25
Porte des Lilas ↔ Gambetta	1921	1,3 km	4
Porte de Clignancourt ↔ Porte d'Orléans	1908	10,5 km	26
Bobigny - Pablo Picasso ↔ Place d'Italie	1906	14,5 km	22
Charles de Gaulle - Étoile ↔ Nation	1900	13,5 km	28
La Courneuve - 8. mai 1945 ↔ Mairie d'Ivry/Villejuif - Louis Aragon	1910	22,5 km	38
Louis Blanc ↔ Pré Saint-Gervais	1911	3 km	8
Balard ↔ Créteil - Préfecture	1913	22 km	37
Pont de Sèvres ↔ Mairie de Montreuil	1922	20 km	37
Boulogne Pont de Saint-Cloud ↔ Gare d'Austerlitz	1913	12 km	23
Mairie des Lilas ↔ Châtelet	1935	6,5 km	13
Porte de la Chapelle ↔ Mairie d'Issy	1910	14 km	28
Châtillon - Montrouge ↔ Saint-Denis - Université/Gabriel Péri Asnières - Gennevilliers	1911	21 km	30
Saint-Lazare ↔ Olympiades	1998	9 km	9