René Cattarinussi

René Cattarinussi
Statsborgarskap	Italia
Fødd	12. april 1972 (52 år) Tolmezzo
Idrett	skiskyting
Tok del i	Vinter-OL 2002, Vinter-OL 1998

René Cattarinussi (fødd 12. april 1972) er ein italiensk tidlegare skiskyttar frå Tolmezzo i provinsen Udine. Han vann to VM-sølv og to VM-bronsar på 10 km i tida 1996-2001.

Aktiv

Cattarinussi fekk sitt gjennombrot då han overraskande tok bronsemedaljen på 10 km under VM 1996 i Ruhpolding. Året etter, under VM 1997 i Osrblie tok han sølv på same distansen, og bronse på stafetten. På 10-kilometeren syrgde han for italiensk dobbeltsiger, då landsmannen Wilfried Pallhuber tok ein suveren siger. Sidan tok Cattarinussi ein ny bronse- og ein ny sølvmedalje på sprintdistansen over 10 km, under høvesvis 2000 og 2001.

Cattarinussi, som var spesialist på 10-kilometeren, fekk åtte av sine elleve pallplasseringar i verdscupen i skiskyting på den distansen. To gongar vann han verdscuprenn; ein 10 km i Antholz i 1999 og ein 15 km fellesstart i Khanty-Mansijsk i mars 2000.

Han la opp som skiskyttar i 2003.

Medaljar og besteplasseringar i internasjonale meisterskap

• VM i skiskyting 1996 i Ruhpolding: Bronsemedalje på 10 km
• VM i skiskyting 1997 i Osrblie: Sølvmedalje på 10 km, bronsemedalje i stafett
• VM i skiskyting 1999 i Oslo: Nr 8 på 20 km
• VM i skiskyting 2000 i Oslo: Bronsemedalje på 10 km
• VM i skiskyting 2001 i Pokljuka: Sølvmedalje på 10 km
• VM i skiskyting 2003 i Khanty-Mansijsk: Nr 7 på 20 km

Kjelder

• Sportsboken, aktuelle årgangar

Bakgrunnsstoff

• «René Cattarinussi» (på engelsk). olympedia.org. Henta 13. februar 2023.