Sion i Sveits

Sion
Gamlebyen i Sion
Kommunevåpenet til Sion
Plassering
Sion
Styresmakter
Land	Sveits
Kanton	Valais
Distrikt	Sion
Språk	fransk
Borgarmeister	Marcel Maurer
Geografi
Flatevidd  - kommune	25,6 km²
Innbyggjarar  - kommune (desember 2010)    - folketettleik	30 363   1 186,1 /km²
Koordinatar	46°14′0″N 7°22′0″E
Høgd over havet	500 moh
Diverse annan informasjon
Postnummer	1950
Nettstad: www.sion.ch

Sion (tysk Sitten, Latin Sedunum) er hovudstade i den sveitsiske kantonen Valais. Kommunen har 30 363 innbyggjarar (2010) og eit areal på 26 km². Kommunesenteret ligg 500 meter over havet.

Utsyn mot Sion frå vinmarkane

Notre Dame de Valère

Sion på eit postkort på 1880-talet

Historie

Arkeologiske utgravingar har vist at området har vore busett sidan steinalderen. Då det keltiske Wallis vart erobra av romarar i år 15 f.Kr. oppstod kolonien Sedunum. I 580 vart Sedunum sete for biskopen av Martigny, og frå 999 var biskopen også verdsleg herskar over området.

Demografi

Tradisjonelt har byen vore tospråkleg (fransk og tysk), over 50 % snakka tysk i 1870, I nyare tid har fransk språk i stor grad fortrengt tysk. Omkring 70 % av innbyggjarane snakkar i dag fransk, 5 % tysk og 5 % italiensk, resten snakkar utanlandske språk.

Attraksjonar

Museum

I Sion er det fleire museum, mellom andre eit naturhistorisk museum og eit arkeologisk museum. Musée de Valère stiller ut våpen, uniformer med meir.

Bygningar

Karakteristisk for Sion er eit mellomaldersk bybilete, omgitt av klippene Valère (621 m) med valfartskyrkja Notre-Dame de Valère (1200-1300-talet) og Tourbillon med ruinen av det tidlegare biskops-slottet frå det 13. hundreåret.

I gamlebyen ligg katedralen Notre-Dame-du-Glarier, bygd i det 15. hundreåret, med eit romansk tårn frå det 12. hundreåret.

Sørvest for katedralen ligg kyrkja St-Théodule. Bygginga tok til i 1516 i seingotisk stil, og varte i to hundreår. Lenger aust i byen ligg rådhuset, bygt mellom 1657 og 1665 i renessansestil.

Vindyrking

Sion har eit mildt klima, og er etter Satigny og Chamoson det viktigaste vinområdet i Sveits. Den største vindyrkarsamanslutninga i Sveits, 'Provins', har sitt hovedsete i Sion.

Transport

Sion ligg ved jarnbanelinja Lausanne-Brig og ved den ein gong viktige alpe-transittstrekninga Lausanne-Simplon-Domodossola. Byen har ein liten flyplass, som ligg eit stykke vest for byen.

Kjelder

• Denne artikkelen bygger på «Sion i Sveits» frå Wikipedia på bokmål, den 15. mars 2010.

Bakgrunnsstoff

Commons har multimedia som gjeld: Sion i Sveits

• Offisiell nettstad (tysk) (fransk)
• Turistguide