Teselskapet i Boston
Teselskapet i Boston (engelsk: The Boston Tea Party) er eit populært kallenamn på eit opprør som fann stad den 16. desember 1773 i Boston. Aksjonen var ein reaksjon på teskatten som kongen i Storbritannia hadde pålagt dei britiske koloniane i Nord-Amerika, som seinare vart dei første delstatane i USA. Dette vert rekna for å vere opptakta til Den amerikanske frigjeringskrigen.
Ei gruppe amerikanarar tok seg ombord tre handelsskip lasta med te, og kasta all teen på sjøen.
Koloniane støtta aksjonen av fleire grunnar, blant anna meinte dei at skatten på teen var et brot på retten deira, at berre deira eigne folkevalte hadde rett til å setta skatt. Slagordet til opprørarane var «inga skattlegging utan representasjon» det var fordi den britiske kongen skattla amerikanarane utan at dei var representert i det britiske parlamentet.
