Trude
Foto: Åshild Telle
Trude er eit kvinnenamn danna som kortform av namn som endar på -trude, som Gertrude. Namnedelen kjem frå germanske *þruþi, 'styrke', þrúðr på norrønt og þryð på gammalengelsk. Nærskylde namn er engelsk Trudi, Trudie og Trudy, islandsk Þrúður, nederlandsk Truus og tysk Traudel og Trudel.
Trude har namnedag den 17. mars.
I norrøn mytologi heitte dottera til Tor og Siv Þrúðr, på moderne norsk Trud. Ei valkyrje med dette namnet er òg nemnd i Grimnesmål.
Bruk
[endre | endre wikiteksten]Namnet er kjend i Noreg sidan 1920-talet. Det voks i bruk frå 1950-talet til det nådde ein topp på 1970-talet, då opptil 0,7 % av nyfødde jenter kunne få namnet Trude. Deretter gjekk bruken ned. I 2009 heitte rundt 5000 norske kvinner Trude.
Namneberarar
[endre | endre wikiteksten]- Trude Fleischmann (1895–1990), austerriksk-amerikansk fotograf
- Trude Guermonprez (1910–1976), austerriksk vevkunstner
- Trude Herr (1927–1991), tysk skodespelar og songar
- Trude Teige (f. 1960), norsk forfattar og TV-reportar
- Trude Brænne Larssen (f. 1967), norsk forfattar
- Trude Mostue (f. 1968), norsk dyrlege
- Trude Marstein (f. 1973), norsk forfattar
Kjelder
[endre | endre wikiteksten]- Søk etter norsk namnestatistikk for Trude hjå Statistisk Sentralbyrå
- Denne artikkelen bygger på «Trude» frå Wikipedia på bokmål, og «Þrúðr» frå Wikipedia på engelsk den 16. mars 2009.