Universitetet i Tartu

Frå Wikipedia – det frie oppslagsverket
Gå til: navigering, søk

Koordinatar: 58°22′52″N 26°43′13″E

Hovudbygninga
Hovudbygninga

Universitetet i Tartu (estisk Tartu Ülikool, TÜ, latin Universitas Tartuensis) blei grunnlagt i 1632 i det som på den tida var ein del av det svenske riket. Under svensketida i Estland fungerte universitetet i to periodar, kjende som Academia Gustaviana (1632-1665) og Academia Gustavo-Carolina (1690-1710). På grunn av krig og uro måtte universitetet i delar av denne tida halde til andre stedar.

Under tsar-tida blei universitetet gjenopna som Kaiserliche Universität zu Dorpat (1893-1918, russisk Императорский Дерптский Университет). I 1919 blei universitetet gjenopna som eit nasjonalt estisk universitet. I sovjettida (1940-1941 og 1944-1989) blei universitetet etter sovjetisk modell kalla «Tartu statlege universitet» (estisk Tartu Riiklik Ülikool, TRÜ). Under den tyske okkupasjonen (1942-1944) fungerte universitetet under namnet Ostland-Universität in Dorpat (estisk Eesti Omavalitsuse Tartu Ülikool).

Etter gjenopprettinga av den estiske staten i 1991 har universitetet, som er Estland sitt eldste, største og fremste universitet, utvikla seg til å bli eit internasjonalt miljø, med fleire høve til å studere på engelsk og med omkring 4 % internasjonale studentar blant doktorgradsstipendiatane. I 2007 hadde universitetet totalt i underkant av 18 000 studentar.

Leiing[endre | endre wikiteksten]

Det øvste styrande organet for universitetet er universitetet sitt råd. Universitetet blir no leia av rektor professor Volli Kalm, som står i spissen for eit rektorat som også omfattar ein studieprorektor, ein forskningsprorektor, direktørar for administrasjon, finans og forvalting, dekanane for kvart fakultet og ein representant for studentrådet.

Fakultet[endre | endre wikiteksten]

Universitetet har 11 fakultet:

  • Teologisk fakultet (estisk Usuteaduskond)
  • Juridisk fakultet (estisk Õigusteaduskond)
  • Medisinsk fakultet (estisk Arstiteaduskond)
  • Filosofisk fakultet (estisk Filosoofiateaduskond)
  • Biologisk og geografisk fakultet (estisk Bioloogia-geograafiateaduskond)
  • Fysisk og kjemisk fakultet (estisk Füüsika-keemiateaduskond)
  • Pedagogisk fakultet (estisk Haridusteaduskond)
  • Idrettsfakultetet Kehakultuuriteaduskond)
  • Økonomisk fakultet (estisk Majandusteaduskond)
  • Fakultet for matematikk og informatikk (estisk Matemaatika-informaatikateaduskond)
  • Samfunnsvitenskapleg fakultet (estisk Sotsiaalteaduskond)

Kjelder[endre | endre wikiteksten]